आरएलएम प्रमुख उपेन्द्र कुशवाहा बिहार दौरा पर निकलताह। एहि यात्रामे ओ कॉलेजियम सहित कतेको मुद्दा उठयताह। यात्रा २५ सितम्बरसँ शुरू होएत।
बिहारमे यात्राक सिलसिला जारी अछि। आब आरएलएम प्रमुख आ राज्यसभा सदस्य उपेन्द्र कुशवाहा सेहो यात्रा पर जयताह। उपेन्द्र कुशवाहा अपन पार्टीक नव सिरासँ निर्माण करताह। शिक्षा, स्वास्थ्य, रोजगार आ किसानक मुद्दा पर यात्रा निकालताह। ओ सभ कॉलेजियम प्रणालीक खिलाफ जोरदार आवाज उठयताह। एहि यात्राक नाम उपेन्द्र कुशवाहा ‘बिहार यात्रा’ रखलनि अछि।
उपेन्द्र कुशवाहा कहलनि जे बिहार यात्रा २५ सितम्बरसँ शुरू होयत। विधानसभा चुनावक लेल इ महत्वपूर्ण अछि। एकर शुरुआत कुर्था, अरवलसँ होएत जे जगदेव बाबूक धरती अछि, ओहि दिन हम अरवल आ औरंगाबादक यात्रा करब। ई यात्रा २६ सितम्बरकेँ औरंगाबाद आ रोहतासमे, २७ सितम्बरकेँ रोहतास-भोजपुर आ २९ सितम्बरकेँ सारणमे होयत। ई पहिल चरणक कार्यक्रम अछि।अगिला चरणक कार्यक्रमक घोषणा बादमे कयल जायत। पूरा बिहारक भ्रमण होएत।
आरएलएम प्रमुख कहलनि, “हमर पार्टी सदैव सामाजिक न्यायक मुद्दा उठबैत रहल अछि। सभकेँ न्याय मिलय। कॉलेजियम प्रणाली एकटा पैघ मुद्दा अछि। हम सदनमे सेहो कॉलेजियम सिस्टम उठायब। ई विषय सीधा अदालतसँ जुड़ल अछि। कॉलेजियम मात्र सरकारक मुद्दा नहिं अछि। सर्वोच्च न्यायालय एहि मुद्दा पर सरकारक निर्णय स्वीकार नहिं कऽ रहल अछि। एहि पर जनतासँ सीधा दबाव बनेबाक प्रयास कएल जा रहल अछि, तखनि अदालतक ध्यान एहि दिस आओत। हम एकरा लेल लगातार रणनीति बना रहल छी।
ओ आगू कहलनि जे ओ एनडीएकेँ मजबूत करबाक लेल लगातार काज कऽ रहल छथि। विपक्ष सीट बंटवारा पर सवाल उठबैत रहल अछि, मुदा एहिमे कोनो समस्या नहिं अछि। सभ एक संग मिलि फैसला करत। आगामी चुनावमे एनडीए जीतत। चुनाव समय पर होएत। जँ समयसँ पहिने चुनाव भऽ जाय तखनो पार्टी तैयार अछि। हुनकर पार्टी २४३ सीटक तैयारी कऽ रहल अछि।
