नहिं रहलाह शताधिक वर्षीय कर्मकाण्डी सह ज्योतिषाचार्य पं. रेवती कान्त मिश्र

मधुबनी समदिया!! मिथिला क्षेत्रीय बिहारक मधुबनी जिलाक लखनौर प्रखंडक दीप गामक देवही टोलक मूल निवास प्रसिद्ध कर्मकांडी आ ज्योतिषाचार्य पं. रेवती कान्त मिश्र सोम, २९ दिसम्बर २०२५ केँ अंतिम सांस लेलनि। ई जनतब मैपुप्र समदियाकेँ दीप गामक देवही टोलक मिथिलाक्षर साक्षरता अभियानी हुनक शिष्य पं. विवेक चन्द्र मिश्र देलनि।

ओ कहलनि पं. रेवती कान्त मिश्र कर्मकाण्ड,ज्योतिष आ व्यवहारिक ज्ञानक मर्मज्ञ छलथि। 100 वर्षसँ अधिक उम्र तक इ अपन नित्य कर्म करैत रहलाह, किछु दिनसँ ई अस्वस्थ छलाह। शिक्षा दान करबाक हिनकामे बहुत जिज्ञासा रहैत छलन्हि आ
शिष्य परम्परा हिनक अद्भुत छलन्हि। अपना पाछू ई भरल-पूरल परिवारकेँ छोरिकेँ महायात्रा पर प्रस्थान केलाह।
मुखाग्नि ज्येष्ठ पुत्र धर्मकान्त मिश्र देलखिन्ह।