बेनीपट्टी जिला परिषद् क्षेत्र संख्या ९ केर सदस्य अलका झा’क पति मुकेश झा’क निधनक समाचार अछि। पिछला किछु बरखसँ किडनीक बिमारीसँ ग्रसित छलथि, आ आखिरकार नहिं रहलाह।
हुनक प्रसिद्धि एकटा कुशल प्रसिद्ध समाजसेवीक रुपमे सदा स्मरण कयल जाएत। अलका झा’केँ एकटा प्रसिद्ध समाजसेवी बनबयमे हुनकर बहुत महत्वपूर्ण योगदान रहल अछि।
एकटा नीक प्रगतिशील नौजवान छलथि। सामाजिक, राजनीतिक व्यक्तित्व आ मिथिला-मैथिलीक अनन्य सेवी छलथि। मधुबनी जिलाक बेनीपट्टी प्रखंडक परजुआर निवासी छलथि। पुरा समाज मर्माहत भऽ श्रद्धासुमन अर्पित कय रहल अछि।
