एहि बीच नीतीश कुमार सरकार अपन मास्टर स्ट्रोकक प्रयोग कऽ देलक अछि। राज्यक बुजुर्ग, विकलांग आ विधवा महिलाकेँ पैघ राहत दैत बिहार सरकार हुनकर पेंशन राशिमे सीधा लगभग तीन गुना तकक बढ़ोतरीक घोषणा कयलक अछि। मुख्यमंत्री नीतीश कुमार रविदिन घोषणा कयलनि जे आब एहि श्रेणीकेँ ₹400 प्रति माहक बदला ₹1100 पेंशन भेटत।
मुख्यमंत्री कहलनि कि ई कदम सामाजिक न्याय आ कल्याणकारी राज्यक दिशामे एकटा मजबूत प्रयास अछी, जकर उद्देश्य समाजक वंचित आ जरूरतमंद वर्गकेँ आर्थिक सहायता प्रदान करब अछी। सरकारक ई योजना जल्दिये लागू भऽ जायत आ लाखों लाभार्थीकेँ एकर सीधा लाभ भेटत।
नीतीश कुमार ट्वीट कए कहलनि, हमरा ई जानकारी दैत खुशी भऽ रहल अछि जे सामाजिक सुरक्षा पेंशन योजनाक तहत आब सभ बुजुर्ग, दिव्यांग आ विधवा महिलाकेँ हर मास 400 रुपयाक बदला 1100 रुपयाक पेंशन भेटत। जुलाई माससँ सभ लाभार्थीकेँ बढ़ल दरसँ पेंशन भेटत। ई सुनिश्चित कयल जायत कि ई राशि हर महीनाकें 10 तारीखकें सभ लाभार्थीक खातामे भेजल जाय। एहिसँ 1 करोड़ 9 लाख 69 हजार 255 लाभार्थीकेँ काफी मददि भेटत।
बुजुर्ग समाजक अनमोल अंग छथि आ हुनकर गरिमामय जीवन यापन सुनिश्चित करब हमर सबहक सर्वोच्च प्राथमिकता अछि। राज्य सरकार एहि दिशामे प्रयास करैत रहत।
