छात्र नेता दिलीप कहलनि जे भले आब देर भऽ गेल अछि, मुदा बिहारक महिला लेल इ सही फैसला अछि। ई फैसला बिहारक बेटीक भविष्य सुधारय लेल लेल गेल अछि।
चुनावी सालमे महिला मतदाताकेँ लुभाबय लेल मुख्यमंत्री नीतीश कुमार एकटा पैघ फैसला लेलनि। मंगलदिन नीतीश मंत्रिमंडलक बैसारमे इ तय भेल जे आब जतेक बहाली होएत ओहिमे बिहारक महिला उम्मीदवारकेँ 35 प्रतिशत आरक्षण भेटत। ओना तऽ चुनावी सालमे एहेन फैसला भेल अछि, मुदा एकर स्वागत अछि।
दरअसल एहि मांगकेँ लऽ कऽ लगातार विरोध चलि रहल छल। कतेको बेर विरोध मार्च आ प्रदर्शनक माध्यमसँ आवाज उठाओल गेल।
छात्र नेता दिलीप कुमार बुधदिन (09 जुलाई 2025) कहलनि, काल्हि (मंगलदिन) दूटा महत्वपूर्ण फैसला लेल गेल। एक तऽ बिहारक बेटीकेँ 35% आरक्षणक लाभ भेटत आ दोसर युवा आयोगक गठन होएत। हम सब पहिनेसँ इ दूनू मांग उठा रहल छलहुं।
दिलीप कुमार कहलनि जे ई स्वागत योग्य निर्णय अछि। ई फैसला बिहारक बेटीक भविष्य सुधारय लेल लेल गेल अछि। हम एकर स्वागत करैत छी। दिलीप कहलनि जे, एहिसँ पहिने तीन चरणमे शिक्षक बहाली भऽ गेल छल आ करीब दू लाख लोकक बहाली भऽ चुकल अछि। 35% आरक्षणक लाभ जे महिलाकेँ देल गेल छल ओ बाहरक महिला उम्मीदवारकेँ सेहो देल गेल अछि। एहिसँ बिहारक बाहरसँ बेसी महिला उम्मीदवारकेँ फायदा भेल अछि।
छात्र नेता दिलीप कहलनि जे भले आब देर भऽ गेल अछि, मुदा बिहारक महिला लेल इ सही फैसला अछि। पटनाक किछु महिलाक कहब अछी जे नीतीश कुमार शुरूएसँ महिला पर विशेष ध्यान देलनि। ओ सब महिलाकेँ 35% आरक्षण देने छथि, मुदा सरकारी नौकरीमे डोमिसाइल पॉलिसी लागू नहि हेबाक कारण लड़कीकेँ काफी नुकसान भऽ रहल छल। एहिसँ बिहारसँ बाहरक लड़की आ महिलाकेँ फायदा भऽ रहल छल। 100 पदक बहालीमे बिहारक 35 महिला निश्चित रूपसँ जेतीह। ई निर्णय स्वागत योग्य अछि।
2025 केर बिहार विधानसभा चुनाव पर एकर असरि पर एकटा महिला कहलनि जे सरकारक एहि कदमसँ निश्चित रूपसँ पढ़ल-लिखल लड़की आओर पढ़ल-लिखल महिला खुश हेतीह। ओना ओ अपन इच्छानुसार वोट देतीह। हालांकि सरकार चुनाव केर ध्यानमे राखि ई फैसला लेने होएत, मुदा जँ ई फैसला सही अछि तऽ फेर महिला चुनावमे नीतीश कुमारकेँ जरूर समर्थन करत।
