राजद नेता तेजस्वी यादव नीतीश सरकार पर हमला करैत नकलची होयबाक आरोप लगौलनि। ओ कहलनि जे हम सब सामाजिक सुरक्षा पेंशनक घोषणा कयने रही, आब सरकार हमरा सबहक दबावमे पेंशनके राशि बढ़ा देलक अछि।
एहि सालक अंतमे बिहारमे विधानसभा चुनाव होबय जा रहल अछि, ताहि लेल सभ राजनीतिक दल तैयारी शुरू कय देलक अछि। जनताकेँ लुभाबय लेल तरह-तरह केर वादा कएल जा रहल अछि। एहि बीच काल्हि राज्यक मुख्यमंत्री नीतीश कुमार सामाजिक सहायता पेंशनमे तीन गुना बढ़ोतरी करबाक घोषणा कयलथि। आब सीएम केर एहि घोषणा पर नेता प्रतिपक्ष तेजस्वी यादवक बयान सामने आबि गेल अछि। हुनकर कहब अछि जे बिहारमे महागठबंधन सरकार सत्तामे आबि रहल अछि, ताहि लेल सीएम टेंशनसँ पेंशन बढ़ा देलनि।
मीडियासँ गप करैत तेजस्वी कहलनि, नीतीश कुमार चुनावक टेंशनक कारण पेंशनमे बढ़ोतरीक घोषणा कयलथि अछि। ओ सरकार पर नकल करबाक आरोप सेहो लगौलनि। राजद नेता कहलनि, बिहारमे महागठबंधन सरकार सत्तामे आबि रहल अछि आ ओ सब एहि लेल चिंतित छथि, ताहि लेल नकल करय वाला एनडीए हमर घोषणाकेँ नकल कय पेंशन बढ़ा रहल छथि। ओ कहलनि, एनडीए हमर योजनाक नकल कयलक अछि।
ओ कहलनि, हमर दबावमे सीएम पेंशन राशि बढ़ा देलनि। हम सब जे सामाजिक सुरक्षा पेंशनक घोषणा कयने छी। आब नीतीश कुमार हमरा सबहक दबावमे आबि पेंशन राशि बढ़ा देलनि। ओ किछु वीडियो देखौलनि आओर कहलनि जे हम सभ सरकारकेँ पेंशन बढ़ाबय लेल मजबूर कय देलहुं। ओ कहलनि जे हम 12 मास पहिने एकर घोषणा कयलहुँ, सरकारसँ लगातार मांग कयलहुँ, अपन घोषणाक बजटमे शामिल करबाक मांग केलहुँ आ बजटमे अलग प्रावधानक मांग केलहुँ। हम सब बेर-बेर कहने रही जे एहि सरकारकेँ पेंशन बढ़ेबा लेल मजबूर करब आ हम सब केलहुँ।
आगू ओ सीएम नीतीश कुमारकेँ निशाना बना कय ओ कहलनि जे मुख्यमंत्री बेहोश अवस्थामे छथि आ दुनू उपमुख्यमंत्रीकेँ लालू आ तेजस्वीकेँ गारि-गलौज करबासँ कोनो समय बाकी नहिं रहल अछि।
