काल्हि मंगलकेँ नीतीश सरकारक कैबिनेट बैसारमे कतेको पैघ फैसला लेल गेल। एहिमे राज्यक ग्रामीण क्षेत्रमे गरीब परिवारक बेटीक विवाह समारोह लेल सभ पंचायतमे विवाह हॉल बनेबाक निर्णय लेल गेल अछि।
सरकार काल्हि कैबिनेट बैसारमे एकरा लेल ‘मुख्यमंत्री कन्या विवाह मंडप योजना’केँ मंजूरी दऽ देलक अछि। एकर अलावा कैबिनेट बैसारमे निर्णय लेल गेल अछि जे ‘दीदी की रसोई’ मे 40 रूपयाक बदला 20 रूपया प्रति थालीमे भोजन उपलब्ध कराओल जाएत। सीएम नीतीश कुमार इ जानकारी सोशल मीडिया प्लेटफॉर्म एक्स पर देलनि।
सीएम नीतीश कुमार इंस्टाग्राम पर एकटा पोस्टमे कहलनि, हमरा ई बताबैत खुशी भऽ रहल अछि जे राज्यक ग्रामीण क्षेत्रमे गरीब परिवारक बेटीक विवाह समारोहक सुविधाक लेल हमर सरकार सभ पंचायतमे विवाह हॉलक निर्माण करत। काल्हि मंत्रिमंडलमे ‘मुख्यमंत्री कन्या विवाह मंडप योजना’ केर मंजूरी भेटि गेल। पंचायतमे विवाह भवन बनेबा लेल 50 लाख करोड़क मंजूरी भेटि गेल अछि। शुद्ध भोजन 40 रूपयाक बदला 20 रूपयामे भेटत
सीएम आगू कहलनि, सरकार राज्यक सभ स्वास्थ्य संस्थानमे आवश्यक गुणवत्तापूर्ण सुविधा उपलब्ध कराबय लेल प्रतिबद्ध अछि। हमसब सेहो एहि भोजन व्यवस्थाकेँ 20 टाकामे लागू करबाक निर्णय लेने छी। राज्यक सब कलेक्टर, अनुमंडल कार्यालय, प्रखंड आ अंचल कार्यालयक एकरा लेल अधिकारी सभकेँ निर्देश देल गेल अछि जे दूरस्थ ग्रामीण क्षेत्रसँ आबयवला आम लोककेँ सस्ता दर पर शुद्ध भोजन भेट सकय।
