बिहार विधान परिषदक भीतर मुख्यमंत्री नीतीश कुमार आ पूर्व मुख्यमंत्री राबड़ी देवीक बीच जमिकए उकटा-पैंची भेल। बहस राजनीतिक तापमान बढ़ा देलक, जकर बाद राजद सदस्य वॉक आउट कऽ गेलथि।
राबड़ी देवी सदनमे नीतीश कुमारकेँ निशाना बनबैत कहलनि, “फाइलसभ देखू, अहाँक परिवारक सदस्य २००५ सँ पहिने कपड़ा नहि पहिरैत छलथि।” एहि पर नीतीश कहलनि, “जखन हिनक पति (लालू यादव) केँ हटा देल गेल, तखनि ओ हिनका (राबड़ी देवी) मुख्यमंत्री बना देलनि। इएह होइत अछि। की कोनो काज भेल अछि ? जाहि व्यक्तिकेँ हम बनौने छलहुं ओ ३ सालक बाद गड़बड़ करए लागल। तें हम हुनका छोड़ि अलग भए गेलहुँ।
एकर बाद राबड़ी देवी कहलनि, “एतय महिलाक अनादर होइत अछि। ओ हमेशा महिलाकेँ अपमान करैत छथि। जकर जवाब नीतीश देलनि आ कहलनि हम सभ महिला सभक लेल बहुत काज कयने छी।
बिहारक पूर्व मुख्यमंत्री आ राजद नेता राबड़ी देवी कहलनि, ‘नीतीश कुमार भांग खा कए विधानसभा अबैत छथि। ओ हमरा सहित महिलाक अनादर करैत छथि, ओ हमर अपमान करैत छथि। हुनका देखबाक चाही जे जखनि हम सत्तामे छलहुं तखनि हम कोन तरहक काज कयलहुँ। ओ जे कहैत छथि से लगपासक लोक कहैत छथि। हुनक अपन पार्टीक सदस्य आ भाजपाक किछु नेता हुनका एहेन बात कहबाक लेल कहि रहल अछि।
सदनक बाहर राजद नेता तेजस्वी यादव सेहो बयान दैत कहलनि, ‘स्थिति आब गंभीर भऽ गेल अछि। सरकार केना काज कऽ रहल अछि एहि पर बिहारक सभ गोटे स्तब्ध छथि ? लगाम एकटा एहेन व्यक्तिक हाथमे अछि जे अचेत अवस्थामे अछि, जकर स्थिति ठिक नहि अछि। एहेन बयान जे हम हुनकर पतिकेँ बनौलहुं, लालू जी कतेक लोककेँ बनौने छथि। तेजस्वी यादव नीतीश कुमारकेँ दू बेर मुख्यमंत्री बनौलक। लालूजी आ नीतीश कुमारक बीच कोनो तुलना नहि कएल जा सकैत अछि। नीतीश कुमारक कोनो नीति नहि अछि, कोनो सिद्धान्त नहि अछि, कोनो विचारधारा नहि अछि। सभ जाय भाड़मे, हम बस कुर्सीक जुगाड़मे ओ छथि नीतीश कुमार।
तेजस्वी यादव कहलनि, ‘बिहारमे अपराधी बेकाबू भऽ गेल अछि। अपहरण आ डकैतीक घटना तेजीसँ भऽ रहल अछि। नीतीश कुमार अपराधीक सामने आत्मसमर्पण कए देलनि। ओ अपन निर्णयक भावना खो देने छथि। हम हुनका मोन पाड़य चाहैत छी जे लालू जी पहिले प्रधानमंत्री बनौलाह आ हम हुनका दू बेर मुख्यमंत्री बनौलहुँ। नीतीश कुमार आ लालू यादवक बीच कोनो तुलना नहि अछि।
