एहि सालक अंतमे बिहारमे होबय वाला विधानसभा चुनावसँ पहिने राजद नेता तेजस्वी यादव मुख्यमंत्री नीतीश कुमार पर निशाना बनबैत फेर कहलनि जे नीतीशक मानसिक स्थिति ठीक नहीं छनि। ओ कहलनि जे नीतीश कुमार मात्र एहेन मुख्यमंत्री बनल छथि जे पैर छूबैत छथि। बुधदिन ओ नीतीश सरकारकेँ ‘खटारा’ सेहो कहलनि।
तेजस्वीक आरोप पर भाजपा कड़ा प्रतिक्रिया देलक अछि। बिहार भाजपाक प्रदेश अध्यक्ष दिलीप जायसवाल बुधकेँ कहलनि जे हम पहिने सेहो कहि चुकल छी कि ओ अपन दायरेमे रहथि आ दायरा पार नहिं करथि। तेजस्वीकेँ ई बुझय केर चाही जे ओ किनका बारेमे बयान दए रहल छथि ? एहि कथनक की अर्थ अछि ? जँ संस्कार नष्ट भऽ जायत तखनि मानवता नहि बाँचत। एहि लेल तेजस्वी यादवकेँ एहि सब तरहक बातसँ बचबाक चाही।
चुनावक दौरान ईडी-सीबीआई कार्यवाहीक बारेमे तेजस्वीक बयान पर बिहार भाजपा प्रमुख कहलनि कि इ कहलासँ किछु नहि होइत अछि। ईडी-सीबीआई अपन काज करैत अछि। चुनावके देखि कार्यवाही नहि कएल जाइत अछि।
दोसर दिसि तेजस्वी यादव सोशल मीडिया प्लेटफॉर्म पर पोस्ट करैत नीतीश सरकारमे बढ़ैत अपराध पर निशाना साधलनि। ओ लिखलनि “आइ हम नीतीश कुमारक २० सालक शासनकालमे भेल अपराधक आधिकारिक रिकॉर्ड राज्यक जनताक समक्ष रखलहुँ अछि। ई भारत सरकारक राष्ट्रीय अपराध रिकॉर्ड ब्यूरोक आधिकारिक आंकड़ा अछि। नीतीश कुमारक 20 सालक शासनकालमे 60,000 हत्या भेल अछि। 25,000 सँ बेसी बलात्कार भेल अछि। एतबे नहि, पुलिसकर्मी पर अधिकांश मारि-पीट, हमला आ हत्या सेहो एनडीए शासनकालमे भेल अछि। एतय मात्र किछु दिनमे अररिया आ मुंगेरमे एएसआईक हत्या कऽ देल गेल। भागलपुर, नवादा, पटना, मधुबनी आ समस्तीपुरमे पुलिस टीम पर जानलेवा हमला भेल, जाहिमे पुलिसकेँ पीटि देल गेल। आब एहि अराजक स्थिति पर सीधा सवाल उठि रहल अछि जे कानून व्यवस्था कतए अछि। बिहारक गृह मंत्री कतए छथि ? की ओ बेहोश छथि ? ई प्रश्न पूछल जाएत। अपन 20 सालक हिसाब दिअ।
