कानूनक अनुसार, कंटेम्प्ट ऑफ कोर्ट एक्ट, 1971 केर धारा 15(b) अनुसार ककरो विरुद्ध सुप्रीम कोर्टक अवमानना कारवाई तखने शुरू कयल जा सकैछ, जखनि अटाॅर्नी जनरल अथवा साॅलिसिटर जनरल एहि लेल अनुमति दैत अछि।
झारखंडक गोड्डासँ भारतीय जनता पार्टीक सांसद निशिकांत दुबे केर विरुद्ध अदालतक अवमानना कार्शवाईक मांग करैत एकटा याचिका अटाॅर्नी जनरलकेँ सौंपल गेल अछि। सुप्रीम कोर्टक एकटा एडवोकेट-ऑन-रिकॉर्ड अटाॅर्नी जनरलकेँ पत्र लिखि ‘अवमानना कारवाई’ शुरू करबाक अनुमति मांगलक अछि।
कानूनक अनुसार, कंटेम्प्ट ऑफ कोर्ट एक्ट, 1971 केर धारा 15(b) अनुसार ककरो विरुद्ध सुप्रीम कोर्टमे अवमानना कारवाई तखनहिं शुरू कयल जा सकैत अछि जखनि अटाॅर्नी जनरल अथवा साॅलिसिटर जनरल एहि लेल अनुमति देने होइछ।
गौरतलब अछि जे भाजपा शनिकेँ अपन सांसद लोकनि निशिकांत दुबे आ दिनेश शर्मा द्वारा उच्चतम न्यायालय आ भारतक प्रधान न्यायाधीश संजीव खन्ना पर कएल गेल कठोर टिप्पणीसँ अपनाकेँ अलग कय लेलक अछि। पार्टी अध्यक्ष जे पी नड्डा एहि टिप्पणी सभकेँ सांसदक निजी विचार कहि कऽ खारिज कय देलनि। नड्डा ‘एक्स’ पर एकटा पोस्टमे कहलनि, ‘‘भाजपाक सांसद निशिकांत दुबे आ दिनेश शर्मा द्वारा न्यायपालिका आ प्रधान न्यायाधीश पर कयल गेल टिप्पणी सभसँ भाजपा केर कौनो संबद्धता नै अछि। ई हुनकर व्यक्तिगत टिप्पणी अछि, भाजपा नहिं तऽ एहि सभसँ सहमत अछि आ नहिं एहन टिप्पणी सभ केर कहियो समर्थन करैत अछि। भाजपा एकरा सभकेँ पूरा तरहसँ खारिज करैत अछि।”
नड्डा इहो कहलथि कि भाजपा ओहि दुनू नेता आ अन्य नेता सभकेँ एहेन टिप्पणी आगा नहिं करबाक निर्देश देलक अछि। ओ कहलनि कि भाजपा हरदम न्यायपालिकाक सम्मान करैत अछि आ हुनकर सुझाव आ आदेश केर खुशीसँ स्वीकार कयलक अछि किएक तँ एकटा दलक रूपमे हुनकर मानब अछि कि शीर्ष अदालत सहित सभ अदालत लोकतंत्रक अभिन्न अंग अछि।
भाजपा अध्यक्ष कहलथि, ‘‘ओ संविधान रक्षाक एकटा मजबूत स्तंभ छथि।” लोकसभामे चारिम बेर अपन संसदीय क्षेत्रक प्रतिनिधित्व करनिहार दुबे निचला सदनमे पार्टीक सभसँ मुखर सदस्यमे सँ एक छथि।
दुबे उच्चतम न्यायालय पर निशाना साधैत पहिने कहने छलथि जे जँ शीर्ष अदालतकेँ कानून बनाबय केर अछि त’ संसद आ राज्य विधानसभाकें बंद क’ देबाऽ चाही। ओ प्रधान न्यायाधीश खन्ना पर सेहो कटाक्ष कएलथि। उत्तर प्रदेशक पूर्व उपमुख्यमंत्री शर्मा सेहो उच्चतम न्यायालयक आलोचना करैत कहलथि जे कियो संसद वा राष्ट्रपतिकेँ निर्देश नहि द’ सकैत अछि।
