भगोड़ा हीरा व्यापारी नीरव मोदीक भाई नेहल मोदीकेँ अमेरिकामे पंजाब नेशनल बैंक (पीएनबी) केर करोड़ोंक घोटालाक सिलसिलामे गिरफ्तार कयल गेल अछि। भारतक लेल ई एकटा पैघ कूटनीतिक जीत अछि।
अमेरिकी न्याय विभागक अनुसार बेल्जियमक नागरिक नेहल मोदीकेँ 4 जुलाईकेँ हिरासतमे लेल गेल। अमेरिकी अभियोजन पक्षक शिकायतक अनुसार नेहल पर दू टा आरोप अछि – पीएमएलए केर धारा 3 केर तहत मनी लांड्रिंग आ आपराधिक साजिश एवं सबूतकेँ नष्ट करब।
नीरव मोदी, हुनकर चाचा मेहुल चौकसी, नेहल आदिकेँ सीबीआई आ प्रवर्तन निदेशालय (ईडी) केर तरफसँ पीएनबीसँ करीब 13,500 करोड़ रुपयाक लोनक कथित तौर पर फर्जी लेटर ऑफ अंडरटेकिंग (एलओयू) केर इस्तेमालसँ धोखाधड़ीक मामिलामे वांछित कएल गेल अछि। नीरव मोदी केर प्रत्यर्पणक ब्रिटेन केर हाईकोर्टसँ मंजूरी भेटि चुकल अछि, मुदा हुनका भारत लाबय केर प्रक्रियामे देरी भऽ रहल अछि, ओ कतेको बेर अपील दायर कय चुकल अछि।
नीरव मोदीक भारत अनबाक तैयारी जारी अछि। लंदन केर जेलमे बंद नीरवकेँ २०१९ मे भगोड़ा आर्थिक अपराधी घोषित कयल गेल छेल। एहि सालक शुरूमे बेल्जियम सरकार कहने छल कि भारतसँ प्रत्यर्पणक आग्रहके बाद ६५ वर्षीय चौकसीकेँ एंटवर्पमे गिरफ्तार कय लेल गेल छल। चौकसी २०१८ मे भारतसँ भागि गेल छल आ तहियासँ एंटीगुआ आ बारबुडामे नागरिकक रूपमे रहैत छल।
प्रत्यर्पण कार्यवाहीमे सुनवाईक अगिला तारीख 17 जुलाई अछि।
नेहल मोदीक खिलाफ आरोप ईडी आ सीबीआई केर जांचसँ पता चलैत अछि कि नीरव मोदीकेँ दिसिसँ अपराधसँ मिलल आयकेँ सफेद करयमे नेहल केर अहम भूमिका छल। आब हुनका यूकेसँ प्रत्यर्पणक सेहो सामना करय पड़तनि। हुनका पर आरोप अछि कि ओ अपराधसँ मिलल आयकेँ छिपाबय लेल शेल कंपनी केर जाल आ जटिल विदेशी लेनदेनक माध्यमसँ भारी मात्रामे अवैध पैसाकेँ नुकाबय आ स्थानांतरित करयमे मदद कयलक। प्रत्यर्पण कार्यवाहीमे सुनवाई केर अगिला तारीख 17 जुलाई तय कऽ देल गेल अछि, एहि सुनवाईक दौरान नेहलकेँ जमानतक लेल आवेदन करय केर संभावना अछि। अमेरिकी अभियोजन पक्ष हुनकर याचिकाक विरोध करत।
