आइ रविकेँ राज्यसँ 1.19 लाख छात्र नीट युजी परीक्षा 2025 मे भाग लेत। परीक्षासँ संबंधित एनटीए बिहारक 15 टेलीग्राम आ इंस्टाग्राम चैनल बंद करौने अछि। संपूर्ण देशमे आई 4 मई अर्थात् रविकेँ नीटक परीक्षा आयोजित अछि। एकरा लेल पटनामे आर्थिक अपराध इकाई साइबर’क डीआईजी संजय कुमार जानकारी देलनि जे हम सभ नीट परीक्षाक लेल पूर्णतः सक्रिय छी। एकरा लेल दु दलक गठन कयल गेल अछि।
एकटा सोशल मीडिया मॉनिटरिंग दल आ दोसर छापेमारी दल कार्यरत अछि। सोशल मीडिया मॉनिटर न्यूज़ आ जानकारी पर नजरि राखैत अछि। हम सभ पूर्णतः चौकस छी।
संजय कुमार कहलनि कि जे सभ संदिग्ध लागत तँ हमर टीम छापेमारी दलकेँ सूचित करत। आओर पूरा बिहारमे जतय संदिग्ध गतिविधिक जानकारी भेटत, ततय छापेमारी कयल जायत। हम सभ पूरा तरहसँ चौकस छी आ शांतिपूर्ण तरीकासँ नीट परीक्षाक आयोजन करबा लेल हम सभ प्रतिबद्ध छी।
डीआईजी संजय कुमार परीक्षार्थी सभसँ अनुरोध कयलनि जे ओ ककरो बहकावामे नहि आबथि, जँ कियो पैसाक मांग करैत अछि वा पास कराबयक बात करैत अछि तँ हमर टोल फ्री नंबर अछि कॉल करू।
