नेपालक संसदमे शुक्रदिन एकटा उलटफेर भेल। पुष्प कमल दहल ‘प्रचण्ड’ सदनमे विश्वास मत साबित नहिं कऽ सकल, जकर बाद हुनक सरकार खसि पड़ल। विश्वास मत हारलाक बाद पुष्प कमल दहल प्रधानमन्त्रीक पदसँ इस्तीफा दऽ देलनि। सदनक अध्यक्ष घोषणा कयलनि जे नेपालक प्रधानमन्त्री पुष्प कमल दहल संघीय संसदक निचला सदनमे विश्वास मत हारि गेलाह। २७५ सदस्यीय प्रतिनिधिसभामे दहलकेँ समर्थनमे ६३ मत आ विपक्षमे १९४ मत गिरल। प्रचंड बहुमतसँ कम वोट भेटलाक कारण विश्वास प्रस्ताव हारि गेलाह। विश्वास मत जीतबाक लेल कमसँ कम १३८ मतक आवश्यकता छल। जखन कि एकटा विधायक अनुपस्थित छलाह। संसदमे कुल २५८ सांसद उपस्थित छलाह।
पुष्प कमल दहल ‘प्रचण्ड’ २५ दिसम्बर २०२२ केँ कार्यभार सम्हारलाक बाद चारि बेर विश्वास मत जितबामे सफल रहलाह, मुदा एहि बेर ओ असफल रहलाह। पूर्व प्रधानमन्त्री केपी शर्मा ओलीक नेतृत्वमे सीपीएन-यूएमएलनेकपा केँ पछिला सप्ताह सदनक सबसँ पैघ दल नेपाली कांग्रेसक संग सत्ता-बँटवाराक समझौता कयलाक बाद प्रचण्डक नेतृत्ववला सरकारसँ समर्थन वापिस लऽ लेलक। नेपाली कांग्रेसक अध्यक्ष शेर बहादुर देउवा पहिनेसँ ओलीकेँ अगिला प्रधानमन्त्रीक रूपमे समर्थन कऽ चुकल छल। प्रतिनिधि सभामे नेपाली कांग्रेसक ८९ सीट अछि जखन कि सीपीएन-यूएमएल के ७८ सीट अछि। एहि तरहेँ दुनूक संयुक्त संख्या १६७ अछि, जे निचला सदनमे बहुमतक लेल आवश्यक १३८ सँ बहुत बेसी अछि।
