जीतन राम मांझी कहलनि जे एनडीएमे यद्यपि एखनि सीट बाँटबाराक कोनो बात नहि भेल, मुदा कोनो दिक्कत नहिं अछि। पीएम मोदीक हाथ आओर मजबूत करय पड़त।
2025 केर बिहार विधानसभा चुनावमे किछु महीना बाँचल अछि आ ताहिसं पहिने सब गोटे सीटक बटबारा देखि रहल छथि। केंद्रीय मंत्री जीतन राम मांझी शनि (07 जून, 2025) केँ एहि संबंधमे प्रतिक्रिया देलनि जे एनडीएमे सीट बंटवारा कहिया होयत। ओ पटना हवाई अड्डा पर पत्रकारसँ गप्प कय रहल छलाह।
जीतन राम मंजी कहलनि जे एनडीएमे सीट शेयरिंगक बारेमे एखनि कोनो बात नहिं भेल अछि, मुदा कोनो दिक्कत नहिं। सीट अगस्त धरि बांटल जाएत। सबकेँ लड़य आ सीट जीतय केर मौका भेटत। एनडीए सब सीट पर चुनाव लड़ि रहल अछि। बिहारमे एनडीए सरकारक गठन होयत। पीएम मोदीक हाथ आओर मजबूत करय पड़त ।
दोसर दिसि जतय राहुल गांधी कहलनि जे महाराष्ट्रक चुनावमे ‘मैच फिक्सिंग’ भेल, ओहने तैयारी बिहारमे सेहो अछि। एहि पर जीतन राम कहलनि जे एकर मतलब ई जे ओ हारि मानि लेने छथि। जे हारि मानि गेल रहैत अछि वैऽह एना बाजैत अछि। राहुल गांधी हारि स्वीकार कऽ रहल छथि, ताहि लेल ओ कहि रहल छथि कि जे महाराष्ट्रमे भेल से निश्चित रूपसँ बिहारमे होयत।
राहुल गांधीक दशरथ मांझीक परिवारसँ भेंट करबाक मामिलामे ओ कहलनि जे, “एहिमे पैघ बात की अछि, मिलबाक चाही, मुदा आइ मिलय लेल कियैक आयल छथि, चुनाव अछि ताहि लेल ? दशरथ मांझी लेल हमरा सभ काज कऽ चुकल छी। हमसब भारत रत्न हुनका प्राप्त होइन से प्रयास कऽ रहल छी। राहुल गांधी तऽ ओतय राजनीति करय लेल गेलाह।”
मुजफ्फरपुरमे नाबालिक लड़कीक साथ बलात्कारक घटना पर ओ कहलनि जे हम सब दुखी छी। सरकारसँ गप्प भेल। जे दोषी अछि ओकरा पर कार्यवाही भऽ रहल अछि। जखनि ई पुछल गेल जे विपक्षक आरोप अछि कि बिहारमे अपराध बढ़ि रहल अछि, ताहि पर ओ कहलनि जे एखनि अपराध करयवला केर खिलाफ कार्यवाही कयल जाइत छैक । ई पहिने जेना नहि जे अपराधी सीएम हाउसमे बैसि कय समझौता करैत छल।
