बिहारक राज्यसभाक पांचू सीट पर एनडीएक जीत, चारिटा विधायक तेजस्वीक गणित बिगड़लनि

पटना। समदिया

बिहार राज्यसभा चुनावमे एनडीए पांचू सीट पर जीत हासिल केलक। मतदान प्रक्रियामे महागठबंधनक चारिटा विधायक अनुपस्थित रहलाह, जाहिसँ विपक्षक रणनीति विफल भ गेल। तेजस्वी यादव आओर कांग्रेसक नेता इंतजार बहुत कयलनि, मुदा चारू विधायक वोट देबयमे असफल रहलाह। परिणामस्वरुप एनडीएक चा उम्मीदवार नीतीश कुमार, नितिन नवीन, रामनाथ ठाकुर, उपेन्द्र कुशवाहा आ शिवेश राम जीत गेल छथि। बिहारमे राज्यसभाक पांचटा सीटक चुनावमे एनडीए सभ सीट पर कब्जा कय कए जमीनी स्तर पर जीत हासिल कयलक। एनडीएक सभ उम्मीदवारकेँ विजयी घोषित कएल गेल, जखनकि महा गठबंधनकेँ बड़का राजनीतिक झटका लागल।  मतदानक दौरान महागठबंधनक चारिटा विधायक विधानसभामे नहि पहुंचलाह, जाहिसँ विपक्षक रणनीति कमजोर भ गेल आओर एनडीएकेँ पूरा फायदा भेल। एहि संग एनडीएक चारू उम्मीदवार नीतीश कुमार, नितिन नवीन, रामनाथ ठाकुर, उपेंद्र कुशवाहा आ शिवेश राम जीत गेल छथि, जखन कि महागठबंधनक एकमात्र उम्मीदवार अमरेंद्र सिंह धारी हारल छथि। बिहार विधानसभामे राज्यसभा चुनावक लेल मतदान भोर 9 बजेसँ शुरू भ गेल छल, विधानसभामे कुल 243 विधायककेँ 4 बजे धरि वोट देबाक छल।  एहि दौरान एनडीएक सभटा 202 विधायक अपन वोट देलथि, जखन कि महागठबंधनक गिनती 37 रहल, चारिटा विपक्षी विधायक मतदान करबा लेल विधानसभामे नहि पहुंचलाह, जाहिसँ दिनभरि राजनीतिक गलियारामे गरमागरम चर्चा होयत रहल। दरअसल बिहारक पांचटा सीटमे सँ चारिटा सीट पर एनडीए लग पहिनेसँ जरूरी ताकत छल। ओना पांचम सीट शिवेश रामक सीट कठिन बुझना जायत छल, जतय हुनक सामना महागठबंधनक उम्मीदवार अमरेंद्र सिंह धारीसँ भेल। एही चुनावमे नीतीश कुमारकेँ 44 मत, रामनाथ ठाकुरकेँ 42 मत, नितिन नवीनकेँ 44 मत, उपेन्द्र कुशवाहाकेँ 42 मत आ शिवेश रामकेँ 38 मत भेटल। सूत्रक अनुसार नेता प्रतिपक्ष तेजस्वी यादव आ कांग्रेसक वरिष्ठ नेता एहि विधायकक बहुत समय धरि इंतजार करैत रहलाह। पार्टी नेतृत्व लगातार हुनका सभसँ संपर्क करबाक प्रयास करैत रहल। मुदा, साँझ 4 बजे धरि मतदानक समय सीमा बीति गेल छल आ चारू विधायक विधानसभामे नहि पहुंचलाह। एहिसँ विपक्षी खेमामे निराशाक माहौल बनल।