सीबीआई जीएम संग 3 आर लोककेँ सेहो गिरफ्तार कएलक। जीएमक नाम रामप्रीत पासवान बताओल जा रहल अछि, ओ पटना क्षेत्रीय कार्यालयमे तैनात छथि। तहिना, एनएचआई हुनकर घर पर छापामारी सेहो कएलक, जकरामे करोड़ों रुपैया कैश बरामद भेल।
सीबीआई एही मामिलामे कहलनि जे एनएचएआई के जीएम सहित 4 आरोपी आ एकटा निजी कंपनीक महाप्रबंधक सहित तीन व्यक्तिकेँ गिरफ्तार कएल गेल अछि। ई लोकनि एनएचएआईके अनुबंध/कार्यसँ संबंधित बिलकेँ संसोधित करबा आ पास करबामे अनुचित लाभ पहुँचाबय लेल अवैध रूपसँ 15 लाख रुपयाक रिश्वतमे हाथ छल। एहि संबंधमे कएल गेल छापेमारीमे 1.18 करोड़ रुपये नकद (लगभग) बरामद भेल अछि। सीबीआई 22 मार्चकेँ एनएचएआईके मुख्य जनरल मैनेजर/जनरल मैनेजर (जीएम)/अन्य सीनियर रैंकके 6 अधिकारी, एक निजी कंपनी, निजी कंपनीके चार सीनियर अधिकारी सहित 2 जीएमके अलावा एक अन्य निजी ठेकेदार आ अज्ञात अन्य सरकारी अधिकारी आ निजी व्यक्ति सहित 12 आरोपी सभक खिलाफ मामला दर्ज कएने छल।
एही सभ पर आरोप लगाओल गेल कि भारतीय राष्ट्रीय राजमार्ग प्राधिकरणक आरोपी अधिकारी, निजी कंपनीक आरोपी प्रतिनिधिसभक संग मिलीभगत करैत, बदलामे घुस दैत एनएचएआईके अनुबंध/कार्य सभसँ संबंधित बिल सभक प्रसंस्करण आ पारित करबामे अनुचित पक्षपात/लाभक सुविधा प्रदान कए रहल छल। संगहि ईहो आरोप लगाओल गेल जे रिश्वतक पैसाक इंतजाम करबाक बाद, निजी कंपनीक एक आरोपी 22 मार्च कऽ रिश्वतक रकम पहुँचेबाक लेल पटनामे एक निश्चित स्थान (हुनक आवासक नजदीक) पर आरोपी अधिकारीसँ भेंट करबाक निर्णय लेलक।
जानकारी भेटलाक बाद सीबीआई जाल बिछेलक आ निजी कंपनीक आरोपी व्यक्तिक आ एनएचएईक आरोपी जीएम (रिश्वत लेनिहार) आ निजी कंपनीक आरोपी जीएम (रिश्वत देनिहार) केँ 15 लाख टका रिश्वत दैत रंगल हाथ पकड़ि लेलक।
सीबीआई रिश्वत लेनिहार आरोपी जीएम आ रिश्वत देनिहार निजी कंपनीक आरोपी व्यक्ति संग-संग घूस पहुँचाबयमे मदद करय वला निजी कंपनीक दू अन्यकेँ सेहो गिरफ्तार कएलक। सीबीआई पहिनहि पटना, मुजफ्फरपुर, समस्तीपुर, बेगूसराय, पूर्णिया, रांची आ वाराणसीमे आरोपी आवासीय आ कार्यालय परिसरक छापेमारी कएलक, जाहिमे 1,18,85,000 टका नकद (लगभग), कतेको आपत्तिजनक दस्तावेज आ डिजिटल डिवाइस बरामद कएल गेल। सीबीआई एखनि एहि मामिलाक जांच क’ रहल अछि।
