मुसलमान सभ जगह, जँ खून बहाबय केर जरूरत पड़त तऽ आयब : पटनाक जामा मस्जिदक मौलाना

पटना समदिया
*

काल्हि पटनाक जामा मस्जिदमे नमाजक बाद मस्जिदक मौलाना कहलनि जे आइ हमरासभक विरुद्ध षड्यंत्र रचल जा रहल अछि, जाहिसँ मुसलमानसभकेँ प्रताड़ित कयल जा सकय। जे हमरा सभकेँ धमकी दैत अछि से सुनू हम मात्र अल्लाहसँ डरैत छी, हम आन केकरोसँ नहि डरैत छी। आन सभ ताकत जूताक नोक पर उड़ि जायत। जँ खून बहाबय केर जरूरत पड़त तऽ सभ ओतय आबि जाएत, मुदा पैगम्बरक खिलाफ फैसला, कुरानक खिलाफ फैसला हमरा पर थोपब स्वीकार नहि।

ओ आगू कहलनि, हम अल्लाहक कसम खाइत छी, सूर्य पूरबसँ नहि अपितु पश्चिमसँ उगताह। अल्लाहक फरमानक विरुद्ध कोनो निर्णय नहि लेल जा सकैत अछि। हम हुनकर आध्यात्मिक संतान छी।
मौलाना कहलनि, ‘मुसलमान जिन्दा अछि आ संसारक सभ ठाम, हिंदुस्तान केर गली-गलीमे अछि। वक्फ बिल लायब आ जमीन छीनब ? केतबेर जमीनक बात कऽ रहल छी, केना छीन लेब, एतेक सहजतासँ केना चोरी करब, बेवकूफ बनेनाइ बंद करू। हमरा लोकनिकेँ अहाँक एतेक हमदर्दीक आवश्यकता नहि अछि। हमदर्दीक कोनो जरूरत नहि अछि। अहाँ आईतक हमर हमदर्द नहीं भेलौं। ई बात संसार जानैत अछि। आब आकाश सेहो देखि रहल अछि जे अहाँ कतेक जालिम छी। मामूली बात पर मुसलमान सभकेँ परेशान करैत छी।

मौलाना कहलनि, ‘ओ सभ कहैत छथि जे सड़क पर नमाज नहि पढ़ू। अहाँ सभ पाबनि सड़क पर मना सकैत छी, मुदा जखनि हम पैघ भीड़क रूपमे अबैत छी तखनि हमरा मना कऽ दैत छी जे हम घरक छत पर सेहो नमाज नहि पढ़ि सकैत छी। ई दोहरा मानक किएक अछि ? वक्फ विधेयकक भीतर बेर-बेर एकर उल्लेख करबाक आवश्यकता नहि अछि। हम कतेको बेर कहि चुकल छी जे एकरा भीतर कोनो समस्या नहि अछि। सरकार कोना जमीन पर कब्जा करय चाहैत अछि, ई सब देखबामे आबि रहल अछि। वक्फक सम्बन्धमे गरदानीबागमे प्रदर्शन भेल, ओतय बहुत लोक जमा भेल। कतेको दलक लोक दिल्लीक जंतर-मंतर पहुँचल। मुसलमान घोषणा केलक अछि, हम एहि वक्फ विधेयकके स्वीकार नहि करब। एकरा जबरदस्ती लागू करबाक कोशिश नहि करू।’