केन्द्र सरकार सांसदक वेतनमे २४ प्रतिशतक वृद्धि अधिसूचित कयलक अछि। ई वृद्धि १ अप्रैल, २०२३ सँ प्रभावी होयत आ मूल्य वृद्धि सूचकांकक आधार पर निर्णय लेल गेल अछि। संसदीय कार्य मंत्रालय द्वारा जारी अधिसूचनाक अनुसार नहि केवल सांसदक वेतनमे वृद्धि कयल गेल अछि, बल्कि बैसारमे भाग लेबाक लेल दैनिक भत्ता, पूर्व सांसदक पेंशन आ अतिरिक्त सेवा वर्षक पेंशनमे सेहो वृद्धि कयल गेल अछि।
सांसदक मासिक वेतन पहिने ₹1,00,000 प्रति माह छल जे आब बढ़ि कऽ ₹1,24,000 प्रति माह भेल अछि।
दैनिक भत्ता (संसद सत्रक दौरान बैसारमे भाग लेबाक लेल) पहिने ₹2,000 प्रति दिन छल जे आब ₹2,500 प्रति दिन भेल।
पूर्व सांसद सभक मासिक पेंशन पहिने ₹25,000 प्रति माह छल जे आब : ₹31,000 प्रति माह भेल। अतिरिक्त पेंशन (पाँच वर्षक सेवा’सँ अधिकक प्रत्येक वर्षक लेल) पहिने ₹2,000 प्रति माह छल जे आब : ₹2,500 प्रति माह भेल।
सरकार ई वृद्धि सांसद वेतन, भत्ता आ पेंशन अधिनियमक अंतर्गत आयकर अधिनियम, 1961 मे निर्दिष्ट मूल्य वृद्धि सूचकांक पर अधिसूचित कएलक अछि।
मुदा सांसद सभक सैलरी पर कोनो टैक्स नहि लगैत अछि। सांसदकेँ भेटनिहार सुख-सुविधा सांसद सभकेँ वेतनक अलावा आओर अनेक प्रकारक आन सुख-सुविधा सेहो भेटैत अछि। जाहिमे कतेको सुविधा हुनकर परिवारक सदस्य सभक लेल सेहो होइत अछि। एहिमे पत्नीक लेल किछु फ्री हवाई यात्रा, अनलिमिटेड ट्रेन यात्रा आ संसद सत्रक दौरान घरसँ दिल्ली तक वार्षिक आठ हवाई यात्रा शामिल होइत अछि। एक सांसदकेँ 50 हजार यूनिट फ्री बिजली, 1 लाख 70 हजार फ्री कॉल, 40 लाख लीटर जल, रहबाक लेल सरकारी बंगला सेहो शामिल होइत अछि।
