सदर अस्पताल, सहरसाक सात विभागक राष्ट्रीय गुणवत्ता आश्वासन मानक कार्यक्रम केर तहत राष्ट्रीय स्तरक मूल्यांकनमे भारत सरकारक स्वास्थ्य एवं परिवार कल्याण मंत्रालयक गुणवत्ता प्रमाणीकरण केर संबंधमे पत्र प्राप्त भेल अछि। 01 जून सँ 02 जून 2023 तक राज्य स्तर पर सात विभागक मूल्यांकन कयल गेल छल। उपरोक्त मूल्यांकन रिपोर्टक आधार पर राष्ट्रीय स्तर पर 15 सँ 16 दिसम्बर, 2023 तक सेहो मूल्यांकन कयल गेल छल। उपरोक्त मूल्यांकनक क्रममे सदर अस्पतालमे उल्लिखित सब सात विभागक मूल्यांकन कयल गेल आ गुणवत्ताक स्थितिकेँ राष्ट्रीय स्तर पर मापल गेल। सात विभागक मूल्यांकन करबाक लेल प्रत्येक विभागक गुणवत्ता केंद्र मापक लेल उचित मानकीकृत तकनीकक उपयोग कयल गेल। सहरसा सदर अस्पतालक सब सात विभागक मूल्यांकनक बाद उल्लेखित सब विभाग गुणवत्ता प्रमाणीकरणक मानक केर पूरा करय वाला पाओल गेल। राष्ट्रीय स्तरक ऑकलन केर दौरान विभिन्न विभागकमे सूचना क्षेत्रकेँ सेहो पहचान कयल गेल जे विभागक कामकाजक गुणवत्तामे सुधारक लेल आवश्यक छैक। उपरोक्त रिपोर्टसँ ई स्पष्ट रूपसँ परिलक्षित होइत अछि जे सदर अस्पतालक सब सात विभाग मानक पूरा करबामे सफलता हासिल कयलक अछि। संगहि राष्ट्रीय मूल्यांकन टीम द्वारा मूल्यांकनक क्रममे गुणवत्तामे आओर वांछित सुधार अनबा लेल सुधारक क्षेत्रक आवश्यकता अछि। विभिन्न विभागक एकरा पूरा करयमे सेहो मदद लेल गेल। ई जानल जाय कि भारतमे स्वास्थ्य सेवाक गुणवत्ताक मापन सुनिश्चित करबाक लेल इ एकटा मानक छै। अइ मानककें उपयोग करैत इ स्वास्थ्य संस्थाक लेल विशिष्ट गुणवत्ता पैरामीटर आ प्रक्रियाकेँ निर्धारित करय पड़ैत छैक, जकरा पूरा करय केर प्रयास कयल जा रहल अछि। ई मानक स्वास्थ्य सेवाक स्तर बढ़ाबै केर साधन छैक आर लोक केर उच्च गुणवत्ता वाला आर सुरक्षित स्वास्थ्य सेवाकेँ अधिक पहुँच सुनिश्चित करबाक साधन अछि।सदर अस्पताल, सहरसा केर एनक्यूएएस प्रमाणीकरण जिलाधिकारीक नेतृत्वमे प्रदान कयल गेल। हुनक नेतृत्वमे स्थानीय स्तर पर उच्चतम गुणवत्ता केर दिशामे बहुत प्रयास कयल, आर ई सुनिश्चित करौलनि कि स्वास्थ्य सेवा समय पर आर उचित मानक पर पहुँचैल जाय । हुनक नेतृत्वमे दृढ़ संकल्पक संग सिविल सर्जन, उप अधीक्षक, अस्पताल प्रबंधक, जिला स्वास्थ्य समितिक अधिकारी, सब डॉक्टर आर कर्मचारी एनक्यूएएस केर मानक अनुसार जिला अस्पतालक गुणवत्तामे सुधार हेतु सराहनीय प्रयास कयलनि, जाहिसँ आम लोक केर बेहतर स्वास्थ्य सेवा प्रदानक प्रयास भेल जेकर परिणामस्वरूप सदर अस्पताल, सहरसा आश्वासनक विभिन्न मानक केर पूरा कय राष्ट्रीय स्तर पर प्रमाणीकरण प्राप्त कयलक। सदर अस्पताल प्रमाणीकरण मे सेहो प्रमाणीकरण प्रक्रियाकेँ समृद्ध आ सफल बनेबामे पिरामल हेल्थक अहम भूमिका रहल। पिरामल हेल्थ उच्च गुणवत्ता वाला स्वास्थ्य देखभाल सेवाककें उपलब्ध कराबय लेल अपन अमूल्य अनुभव, विशेषज्ञता आ संसाधनक उपयोग करैत अछि। उपरोक्त प्रमाणीकरणक बाद जिला मजिस्ट्रेट सदर अस्पताल सहरसाक उप अधीक्षक अस्पताल प्रबंधक, सब डॉक्टर आ कर्मचारीकेँ बधाई दैत मरीज केर लगातार उच्च गुणवत्ता वाला सेवा देबय लेल कहलनि। ओ कहलनि जे पहिने पूरा राज्यमे कुल चारि गोट सदर अस्पताल, बेगूसराय, बांका, सीतामढ़ी आ खगड़िया एनक्यूएएस प्रमाणित अस्पताल छल। सहरसा केर सदर अस्पतालसँ एनक्यूएएस प्रमाणीकरण भेटलाक पश्चात आब पूरा राज्य मे ई संख्या बढ़ि कऽ पांच भऽ गेल अछि।
