मिजोरमक राज्यपाल वीके सिंह काल्हि गुवाहाटीमे मुख्यमंत्री डॉ. हिमंत विश्व शर्मासँ भेंट कयलनि आ दुनू राज्यसँ जुड़ल विभिन्न मुद्दा पर चर्चा कयलनि।
बैसारमे दुनू राज्यक बीच विकास आ बेहतर समन्वयसँ जुड़ल मामिला पर चर्चा काएल गेल। मुख्यमंत्री कार्यालय (सीएमओ) एकटा पोस्टमे बतौलक जे सिंह आ शर्माक बीच भेल चर्चा दुनू राज्यक बीच समन्वय बढ़ेबा आ विकासक पहलकेँ आगू बढ़ेबा पर केन्द्रित छल।
एहि संबंधमे राज्यपाल सिंह कहला जे ओ शर्मासँ विकास आ शासन आओर राष्ट्रीय हित पर चर्चा कयलथि। ओ एक्स पर लिखलनि जे असमक विकासक प्रति मुख्यमंत्री शर्माक प्रतिबद्धता सराहनीय अछि। ओ कहलनि जे लोकसेवामे हुनकर निरंतर सफलताकक लेल ओ हुनका सुभकामना देबय चाहैत छथि।
एहि बीच मुख्यमंत्री डॉ.शर्मा राज्यपाल लक्ष्मण प्रसाद आचार्यसँ सेहो अलगसँ भेंट कयलथि आ राज्य सरकार द्वारा जनताक उत्थान आ विकासकेँ तेज करबा लेल उठाओल गेल विभिन्न कदमक जानकारी देलथि।
डॉ. शर्मा एक्स पर लिखलनि जे राज्यपाल लक्ष्मण प्रसाद आचार्यसँ भेंट करब हुनका लेल एकटा सौभाग्य छलनि । ओ हुनका राज्यमे लोकक जीवनमे सुधार आ समग्र विकास केर बढ़ावा देबाक उद्देश्यसँ विभिन्न जारी पहलक जानकारी देलनि।
