मिथिलाक्षर साक्षरता अभियान
मिथिलाक्षर साक्षरता अभियान
आ आइ मिथिलाक्षर साक्षरता अभियानक राष्ट्रीय राजधानी दिल्ली एनसीआरक अधिवेशन
*
दिल्ली एनसीआरमे योजनाबद्ध मिथिलाक्षर सिखाबय पर चर्चा एवं गठित इकाई (युनिट) केर पदाधिकारीक चयन
*
दिल्ली समदिया
*
जेना कि ज्ञात अछि कि मिथिलाक्षर साक्षरता अभियानी मिथिला क्षेत्रीय भारतक तीसो जिला, शहर, नगर, महानगर आ नेपाल सहित पच्चीसो देशमे पसरल छथि। मिथिलाक्षरक आर अधिकाधिक प्रसारक लेल अभियान निर्णय लेलक अछि जे भिन्न-भिन्न मिथिला क्षेत्रीय जिला आ शहर, नगर, महानगर एवं विदेश आदि सभठामक स्थानक अनुसार टीम अर्थात युनिटक गठन कयल जाए एवं सांगठनिक स्वरूप दैत पदक जिम्मेदारी दैत सांगठनिक संचालनसँ अभियानकेँ आर ऊर्जित कयल जाए।
एहि परिप्रेक्ष्यमे राज्यक राजधानी पटनाक बाद आब राष्ट्रीय राजधानी दिल्लीमे दिल्ली एनसीआरमे अभियानकेँ गति देबय लेल आइ ३१ अगस्त २०२५ केँ ‘दिल्ली एनसीआर अधिवेशन राखल गेल अछि।
विदित होय कि एहि अधिवेशनक लेल संस्थापक अजय नाथ झा शास्त्री सेहो दिल्ली पहुँच गेल छथि। दिल्ली एनसीआर एवं आसपासक अनेक स्त्री एवं पुरुष वर्गक अभियानी अधिवेशनमे पहुँच रहल छथि।
जनतब दी जे दिल्ली एनसीआरमे प्रायः हजारोक संख्यामे मिथिलाक्षर साक्षरता अभियानी छथि। सभकेँ समेटैत एकटा सांगठनिक ईकाई (युनिट) केर रुप देल गेल अछि आ अधिवेशनमे आर अधिकाधिक व्यक्ति धरि मिथिलाक्षर सिखाबय लेल योजना पर चर्चा होएत आ समस्त दिल्ली एनसीआरमे रहयवला मिथिलावासीकेँ मिथिलाक्षर सिखय लेल प्रेरित कयल जाएत एवं ताहि लेल योजना एवं क्रियान्वयनक स्वरूप अधिवेशनमे तैयार कयल जाएत। जिम्मेदारी देल जाएत एवं एहि लेल पदाधिकारीक चयन होएत।
वरिष्ठ अभियानी राघव मिश्र, शंभु नाथ झा, पंकज कुमार कर्ण, देवेन्द्र झा, नरेश दास, जटाशंकर झा, रविन्द्र कुमार राय, राजेश ठाकुर, शिवनाथ सहनी, मिथिलेश झा, रंजना झा, संगीता कर्ण, डाॅ डेजी कुमारी, सुधीर यादव सहित अनेकानेक अभियानीगणकेँ अधिवेशनमे उपस्थित रहय केर जानकारी प्राप्त भेल अछि।
संगहि जानकारी देल जा रहल अछि जे दिल्ली एनसीआर एवं आसपासक सभ अभियानी एहि अधिवेशनमे देल गेल समय एवं स्थान पर पहुँची -:
दिनांक : 31-08-2025, रवि
समय : अपराह्न 02:00 बजेसँ
स्थान : आस्था कुंज पार्क (निकट – कालका जी मंदिर एवं कमल मंदिर)
(लोकेशन) https://maps.app.goo.gl/fJMgkK7n3ZQEEDFy5
निकटतम मेट्रो स्टेशन : – कालकाजी
