मिथिलाक्षर साक्षरता अभियानक ‘झारखंड इकाई’क पदाधिकारीगणक चयन
राँची समदिया!! विदित अछि कि ‘मैथिल पुनर्जागरण प्रकाश फोरम’क चर्चित उपक्रम ‘मिथिलाक्षर साक्षरता अभियान’क ठाम-ठामक युनिटक गठन भऽ रहल अछि आ एहि क्रममे आब ‘झारखंड इकाई’क गठनक जनब भेटल अछि।
प्राप्त जनतबक अनुसार एखनि आठ सदस्यीय टीमक गठन भेल अछि आ पदाधिकारीगणक नामक घोषणा भेल अछि।
आठ सदस्यीय पदाधिकारीमे क्रमशः ०१) संजीवनी उत्कृष्ट वरिष्ठ संरक्षिका रुनू (आभा) मिश्रा ०१/प्रथम/०२ : केन्द्रीय संयोजक (Central Cordinator) ०२) उत्कृष्ट वरिष्ठ संरक्षिका उमा झा २३/३०/०८ : अध्यक्ष (President) ०३) वरिष्ठ संरक्षक विक्रम आदित्य सिंह ५३/९५ : कार्यकारी उपाध्यक्ष (Executive Vice President) ०४) वरिष्ठ संरक्षिका गायत्री झा ३५/६३ : उपाध्यक्ष (Vice President) ०५) वरिष्ठ संरक्षक समीर कुमार मिश्र ६८/१४० : महासचिव (Secretary General) ०६) वरिष्ठ संरक्षिका बीणा झा २६/९९ : सचिव (Secretary) ०७) संरक्षिका आभा मल्लिक ९२/१३९ : उप सचिव (Deputy Secretary) ०८) एवं पूनम मिश्रा ९३ : अवर सचिव (Under Secretary) केर रुपमे चयनित भेलथि।
जनतब जे मिथिलाक्षर साक्षरता अभियानक लक्ष्य मिथिलाक्षरकेँ पूर्ण रुपसँ व्यवहार पथ पर आनब अछि आ एहि लेल नव-नव यत्न कयल जाइत रहैत अछि, हालहिमे मिथिलाक्षरक दृश्य पहिचानक लेल जोर-शोरसँ धरातल पर ‘मिथिलाक पहिचान मिथिलाक्षर निशान’ अभियान शुरू भेल जकर चर्चा एखनि धरि अछि आ तकर निरंतरता बनल रहय केर लेल प्रयास जारी अछि। तहिना आर बहुत रास अपडेट सभ त्रैमासिक पाठ्यक्रममे भेलैक अछि, जे मिथिलावासीकेँ मिथिलाक्षर सिखय दिशि आकर्षित कऽ रहल अछि, रोजगारक सेहो सृजन भऽ रहल अछि आ ई जतेक व्यवहार पथ पर आगा बढ़त, ततेक रोजगारक अवसरक सेहो वृद्धि हेतै।