मिथिलाक्षर साक्षरता अभियानक दिल्ली एनसीआरक अद्यतन पदाधिकारीगणक सूची जारी

!! मिथिलाक्षर साक्षरता अभियानक विगत ३१ अगस्तकेँ दिल्लीमे ‘दिल्ली एनसीआर अधिवेशन’ भेल छल, जाहिमे दिल्ली एनसीआरमे मिथिलाक्षरक प्रचार-प्रसार लेल नवीन टिमक गठन भेल छल।

मिथिलाक्षर साक्षरता अभियानक दिल्ली एनसीआरक मिडिया प्रभारी राजेश ठाकुर मैपुप्र समदियाकेँ ‘दिल्ली एनसीआर युनिट’क नवगठित टिमक पदाधिकारी गणक जानकारी देलनि अछि।

ताहि अनुसार :- दिल्ली एवं दिल्ली एनसीआरक लेल पहिने एकटा ९ सदस्यीय केंद्रीय टीम (सेन्ट्रल टीम) केर गठन भेल आ तत्काल नओ सदस्यकेँ *केंद्रीय संयोजक* केँ दायित्व देल गेलनि, जे एहि प्रकारसँ अछि :-

राघव मिश्र, पंकज कुमार कर्ण, शंभु नाथ झा, देवेन्द्र झा, नरेश दास, राजेश ठाकुर, मिथिलेश झा, रविन्द्र राय आ रंजना झा चयनित भेलथि। राजेश ठाकुरकेँ मिडिया प्रभारी बनाओल गेल।

आगू दिल्ली एनसीआरक जिला अनुसार *जिला संयोजक* केँ चयन भेल, जाहिमे :-

उत्तर पूर्व दिल्लीसँ राधा रमण मिश्र (संयोजक), उत्तर पश्चिम दिल्लीसँ राघव मिश्र (संयोजक), पूर्वी दिल्लीसँ रंजना झा (संयोजिका),
राजेश ठाकुर (संयोजक) आ सुधीर यादव (सहसंयोजक) केर रुपमे चयनित भेलथि।

तहिना दक्षिण दिल्लीसँ रविन्द्र कुमार राय (संयोजक), दक्षिण पूर्वी दिल्लीसँ शंभु नाथ झा (संयोजक), दक्षिण पश्चिम दिल्लीसँ पंकज कुमार कर्ण (संयोजक), साकेत कुमार (सह-संयोजक) आ एन०सी०आर० क्षेत्रसॅं
देवेन्द्र झा फरीदाबाद (संयोजक), नरेश दास हिसार (संयोजक),संगीता कर्ण न्योडा (संयोजिका), मिथिलेश कुमार झा गुड़गांव (संयोजक) चयनित भेलथि।