कर्पूरीजीक पावन धरती आ मिथिलांचलक प्रसिद्ध स्थान दरभंगा, मधुबनी आ झंझारपुरक सभ लोकक गरीबी दूर होएत। नेता प्रतिपक्ष तेजस्वी यादव शहरक गेस्ट हाउस मधुबनीक मीटिंग हॉलमे प्रेस कॉन्फ्रेंसक दौरान ई बात कहलनि। ओ इहो कहलनि जे एनडीए लग सबसँ बेसी विधायक छथि जे मिथिला क्षेत्रक छथि, तइयो ओ मिथिलांचलक गरीबी नहिं हटाबैत छथि। एतय मात्र भ्रष्टाचारमे लोकक जीवनक अधरमे डालि देल गेल अछि। बदलामे अहाँकेँ महगी, गरीबी आदि भेटैत अछि। मधुबनीक सभ दस विधानसभाक कार्यकर्ता सभसँ भेंट कऽ पार्टीकेँ सुदृढ़ आ विस्तारित करबाक लेल कार्यक्रमक पहिल चरण ‘आभर यात्रा’ शुरू कयल गेल अछि। राष्ट्रीय जनता दलक राष्ट्रीय अध्यक्ष तेजस्वी यादव कहलनि जे पार्टीक विकासमे कार्यकर्ता सभक महत्वपूर्ण भूमिका होइत अछि, जे पार्टीक दहिना हाथक रुपमे रहैत अछि। वर्तमान सरकार पर निशाना साधैत ओ कहलनि जे राज्यमे शराबबंदी कानून लागू कयल गेल जे कागजक पन्ना पर बनल रहल। राज्यमे शराबबंदी नहिं नशामुक्त कानून लागू होयबाक चाहैत छल। पुल पुलियाक बनिते ढ़हि जाएब भ्रष्टाचार नहिं अछि तऽ आर की अछि। जे चरम पर अछि। ओतहग भूमि सर्वेक्षण जतय मात्र पाइक बल पर काज होइत अछि। जा धरि भ्रष्ट लोक देश नहिं छोड़ैत अछि, लोक कहियो खुश नहिं भए सकैत अछि। राज्यमे हत्या, लूट, डकैती, अपहरण, आ अपराधी बेरोकटोक भऽ गेल अछि, जकरासँ पुलिस प्रशासनकेँ कोनो मतलब नहिं रहैत अछि। ओ कहलनि जे बिहार पहिनेसँ गरीबी आ महगीक खामियाजा झेलि रहल अछि, ऊपरसँ स्मार्ट मीटर लगा जनताक शोषण कयल जाइत अछि। ओ एकटा प्रेस कॉन्फ्रेंसक माध्यमसँ जनताकेँ जानकारी देलनि जे राजद सरकारमे राज्यक हर परिवारकेँ दू सौ यूनिट बिजली मुफ्तमे देल जायत। विशेष रूपसँ मिथिलांचलक विकासक संग-संग मधुबनीमे पान, माछ आ मखानक प्रचुर खेती सेहो हुनका सभकेँ हर सम्भव विकासक लेल सहायता करत। ओतहि मिथिला चित्रकलाक सेहो देश-विदेशमे बढ़ावा देबयमे कमी नहिं कयल जाएत।
तेजस्वी एक्स पर लिखलनि, “बिहारमे २० बरखसँ एनडीए केर सरकार अछि, तैयो सत्ताक स्वार्थी ई सभ मिथिलाक लेल किछु नहिं कयलक। जँ हमर सरकार बनल तऽ हम ‘मिथिलांचल विकास प्राधिकरण’ बनायब। इस प्राधिकरण मिथिलांचलक चहुंमुखी विकासक लेल गेम चेंजर होएत।”
