Skip to content
बेगूसराय
*
मिथिला क्षेत्रीय बिहारक बेगूसराय जिलामे अपराधी सभ बृहस्पति दिन एचडीएफसी बैंककेँ निशाना बनबैत २० लाख टाकासँ बेसी लूटि भागि गेल।
पुलिसक अनुसार, शहरक हर हर महादेव चौक स्थित एचडीएफसी बैंकमे उपद्रवी पाँचसँ छओ ग्राहकक रूपमे पहुँचल। बैंकमे घुसलाक बाद सशस्त्र अपराधी सभ बैंक कर्मचारीपर हमला करब शुरू कऽ देलक। एकर बाद ओ सभ हथियारक नोकपर ओतय राखल पाइ लऽ कऽ भागि गेल।
बैंक कर्मचारीक अनुसार, लुटेरा २० लाख टाकासँ बेसी लूटि चुकल अछि, यद्यपि लूटक सही राशिक पता पूरा गिनतीक बादे भेटत।
एतय घटनाक सूचना भेटलाक बाद पुलिस अधीक्षक मनीष पुलिस टीमक संग पहुँचलाह आ मामिलाक जाँच कयलनि। ओ कहलनि जे पुलिस सीसीटीवी फुटेजक जाँच कऽ रहल अछि। ओ कहलनि जे कतेक पाइ लूटल गेल अछि से गिनतीक बादे कहल जा सकैत अछि। पुलिस मामिलाक जांच कए रहल अछि।
