सांसद मीसा भारती मकर संक्रांतिक अवसर पर पीएम मोदी, अमित शाह आ सीएम नीतीशके ‘दही चूड़ा’क नोत देलनि।
भारतक विभिन्न राज्यमे मकर संक्रांतिक पाबनि बड्ड धूमधामसँ मनाओल गेल। राजद सुप्रीमो आ बिहारक पूर्व मुख्यमंत्री लालू प्रसाद यादव सेहो पटना स्थित अपन निवास पर रात्रिभोजक आयोजन कयलनि।
राजद नेता लालू प्रसाद यादवक बेटी मीसा भारती सेहो प्रधानमंत्री नरेंद्र मोदी, गृह मंत्री अमित शाह आ बिहारक मुख्यमंत्री नीतीश कुमारकेँ भोजमे शामिल हेबाक लेल आमंत्रित कयलनि। मीसा भारती सबके मकर संक्रांतिक शुभकामना देलखिन आ बिहारक मुख्यमंत्री नीतीश कुमारक बारेमे बात करैत मीसा भारती हुनका दही-चूड़ा पर आमंत्रित करय केर बात कहलनि। ओ कहलनि हम चाहैत छी जे प्रधानमंत्री नरेन्द्र मोदी आबैथ, अमित शाह आबैथ। नीक अछि जँ पैघ लोक घरमे अबैत छथि। नीतीश संरक्षक जकाँ छथि, जँ ओ अबैत छथि तँ नीक बात अछि। सबके स्वागत अछि।
बिहारमे राजनीतिक बदलावक बारेमे चलि रहल अटकलबाजी पर मीसा भारती कहलनि, “एहेन चर्चा किछु समयसँ चलि रहल अछि किएक त पूर्वमे मकर संक्रांतिक बाद बदलाव भेल अछि, मुदा हमरा नहि लगैत अछि। राजनीतिमे किछु असंभव नहि अछि, मुदा किछु कहब जल्दबाजी होयत। शुभ काज आइ शुरू होइत अछि। हम ईश्वरसँ कामना करैत छी जे 2025 मे बिहार आगू बढ़य, बेरोजगारी हटय, बिहारमे कारखाना लागय।
मीसा भारती कहलनि जे शुभ कार्य मकर संक्रांतिक बादहि प्रारम्भ होइत अछि। मुख्यमंत्री नीतीशक दौराक बारेमे बात करैत मीसा भारती कहलनि कि ओ दौरा पर गेल छथि। आब देखैत छी जे ओहिमे सँ की निकलैत अछि। संगहि मीसा प्रयागराजमे चलि रहल महाकुम्भ मेलापर सेहो अपन विचार रखलनि। “महाकुम्भ मेलामे शामिल होयब सभकेँ लेल संभव नहि अछि। हम एकरा खिलाफ किएक बाजब ? हिन्दू होयबाक प्रमाणपत्र के बाँटि रहल अछि ?
