अमेरिकी राष्ट्रपति डोनाल्ड ट्रंप पाकिस्तानमे तेलक विशाल भंडार बनाबयमे मददि करय केर घोषणा कयलाक बाद बलूचक मानवाधिकार कार्यकर्ता मीर यार बलूच ट्रंपकेँ एकटा चिट्ठी लिखि हुनका चेतावनी देलनि अछि।
मीर यार बलूच कहलनि कि इस्लामाबादक सैन्य नेतृत्व पाकिस्तानक संसाधनकेँ ‘वास्तविक भूगोल आ मालिकाना हक’ केर बारेमे अमेरिकाकेँ गुमराह कय देलक अछि। ओ कहलनि जे, ई तेल भंडार पंजाबमे नहि, बलूचिस्तानमे अछि।
ट्रंप अपन सोशल मीडिया प्लेटफॉर्म ट्रूथ पर घोषणा कयलनि कि अमेरिका आ पाकिस्तानक बीच देशक तेल भंडारक विकास लेल समझौता भऽ गेल अछि।
एहि पर प्रतिक्रिया दैत मीर यार बलूच कहलनि कि ट्रंप एहि क्षेत्रक तेल आ खनिज भंडारक पहिचान सही कयलनि अछि मुदा ओ इहो स्पष्ट कयलनि कि ई भंडार “पंजाबमे नहि अछि जे असली पाकिस्तान अछि” बल्कि “बलूचिस्तान गणराज्यमे अछि, जे ऐतिहासिक रूपसँ स्वतंत्र राष्ट्र अछि आ वर्तमानमे एकरा पर पाकिस्तानक अवैध कब्जा अछि। ओ कहलनि कि पाकिस्तानकेँ एही संसाधन पर दावा नहि सिर्फ झूठ अछि बल्कि राजनीतिक आ आर्थिक लाभ लेल बलूचिस्तानक धन हड़पय केर जानिबूझि कय कऽ रहल प्रयास अछि।
मीर यार बलूच चेतावनी देलनि कि जँ पाकिस्तानक कट्टरपंथी सेना आ कुख्यात खुफिया एजेंसी आईएसआई बलूचिस्तानक कीमती खनिज धरि पहुँचत तँ ई अमेरिका वैश्विक सुरक्षा लेल गंभीर खतरा पैदा कऽ देत। ओ कहलनि, “पाकिस्तानी सेना आ आईएसआईक बलूचिस्तान केर खरबों डॉलरक दुर्लभ खनिज संसाधनमे पहुँच देनाई एकटा रणनीतिक गलती होयत। एहीसँ नहिं सिर्फ ओकर आतंकी क्षमता बढ़त, बल्कि ई आतंकीक नव भर्ती सेहो कऽ सकैत अछि आ ओकरा ९/११ जेहेन हमला करय केर स्थितिमे आनि सकैत अछि।”
ओ ई सेहो कहलनि कि बलूचिस्तानक लूटल संसाधनसँ भेंटय वला फायदासँ नहि
तँ ओतय केर जनताकेँ फायदा होयत आ नही क्षेत्रीय शांति, मुदा एहि कोषसँ “भारत विरोधी आ इजरायल विरोधी जेहादी समूह”केँ मजबूत कयल जायत आ पूरा दक्षिण एशिया सहित वैश्विक स्थिरताकेँ खतरामे डालल जायत।
मीर यार बलोच दोहरैलनि कि ई खाली बलूच लोगक अधिकारक सवाल नहिं अछि बल्कि वैश्विक सुरक्षाक सवाल सेहो अछि।
ओ सख्तीसँ कहलनि कि बलूचिस्तान बिकाऊ नहि’ अछि। बलूच जनताक स्पष्ट सहमतिक बिना हम पाकिस्तान, चीन वा कोनो अन्य विदेशी शक्तिकेँ अपन संसाधनक दोहन नहि करय देब। हमर संप्रभु अधिकार अमूल्य अछि आ स्वतंत्रता लेल हमर लड़ाई गरिमा आ दृढ़ संकल्पक संग जारी अछि।
