बाजार-व्यापार दूधक दाममे 2-3 रूपया केर भेल वृद्धि May 22, 2025 Maithil Punarjagran Prakash पटना समदिया * सुधा डेयरी द्वारा दूधक दाम बढ़ा देल गेल अछि। नव दर आई बृहस्पतिसँ (22 मई, 2025) लागू होयत। कॉम्फेड महंगाईक कारण मूल्य वृद्धिकेँ जिम्मेदार ठहराओल गेल अछि। नव दरक अनुसार, सुधा गोल्ड फुल क्रीम दूधक दाम ६२ सँ बढ़ि ६५ रुपैया प्रति लीटर कय देल गेल अछि। ५५ रुपैयामे भेटनिहार सुधा शक्ति दूध आब ५७ रुपैयाक होएत। सुधा काऊ मिल्कक दाममे सेहो बढ़ोतरी भेल अछि। राहतक बात अछि जे सुधा घी, दही, लस्सी, पेड़ा प्रोडक्टक कीमतमे फिलहाल वृद्धि नहि कयलक अछि। कॉम्फेड सुधा डेयरी केर दाममे मूल्य वृद्धिक ठीकरा महंगाई पर लगा देलक अछि। उत्पादन लागतमे वृद्धि, पशुचारा केर कीमतमे बढ़ोतरी आ वितरण खर्चमे वृद्धिकेँ जिम्मेदार ठहराओल गेल अछि। कहल गेल अछि जे महंगाई केर कारण दूधक दाम बढ़ेनाई जरूरी भऽ गेल छल। आब सुधा दूध केर सभ ब्रांडमे 2 सँ 3 रुपया केर इजाफा कएल गेल अछि। Spread the love
