बहुजन समाज पार्टी (बसपा) सुप्रीमो मायावती लोकसभामे विपक्षक नेता आ कांग्रेस सांसद राहुल गांधीक ‘भारत जोड़ो यात्रा’ पर जोरदार हमला कयलनि अछि। ओ कहलनि जे बेरोजगारी, महंगाई आ पिछड़ापन आदिक जीवनसँ जूझि रहल ओहि करोड़ो परिवारक की जे अपन रोजी-रोटी कमाय लेल दिन-राति काज करय लेल मजबूर अछि। की ‘भारत जोड़ो यात्रा’ हुनकर मजाक नहिं अछि ?
राष्ट्रीय खेल दिवसक अवसर पर कांग्रेस सांसद राहुल गांधी सोशल मीडिया एक्स पोस्ट पर एकटा वीडियो साझा कयलनि, जाहिमे ओ बच्चासभकेँ मार्शल आर्टक जानकारी दऽ रहल छलाह। संगहि ओ बतौलनि जे जल्दिये ओ ‘भारत जोड़ो यात्रा’ शुरू करय जा रहल छथि।
एहि पर बसपा सुप्रीमो मायावती शुक्रदिन जवाब दैत सोशल मीडिया प्लेटफॉर्म एक्स पर लिखलनि, “पेट भरल लोक लेल कोनो खेलक महत्वसँ कियो इनकार नहिं करैत अछि, मुदा गरीबी, बेरोजगारी, महंगाई आ पिछड़ापन आदिसँ जूझि रहल ओहि करोड़ो परिवारकेँ की होयत, जे पेट पोसय लेल दिन-राति कमड़तोर मेहनति लेल मजबूर अछि। भारत जोड़ो यात्रा की हुनकर उपहास नहिं ?”
एकटा आओर पोस्टमे ओ लिखलनि, “केंद्र आ राज्य सरकार देशक करोड़ों गरीब आ मेहनतकश लोककेँ उचित आ सम्मानपूर्वक भोजन आ आजीविका उपलब्ध करेबामे अपन विफलताकेँ झाँपबाक लेल हुनका सभसँ भूखल पेट भजन कराबैत रहैत चाहैत अछि, मुदा विपक्षी कांग्रेसक सेहो वैऽह जनविरोधी रवैया जनताकेँ केना पसिन्न होयत ?”
बसपा सुप्रीमो मायावती अंत मे लिखलखिन, “कांग्रेस आ ओकर इंडी गठबंधन संविधान बचाबय केर नाम पर, आरक्षणक नाम पर एससी, एसटी आ ओबीसी केर वोट लऽकऽ अपन ताकत बढ़ा देलक, लेकिन जखन वोटक समय खतम भऽ गेल तखनि की वोटर सभक भूख आ तड़पकेँ बिसरा कऽ हुनकर सभक प्रति ई क्रूर रवैया अपनायब उचित अछि ? खेलक राजनीतिकरण हानिकारक अछि जे आब नहिं।”
एहिसँ पहिने राहुल गांधी वीडियो साझा करैत एक्स पोस्टमे लिखलनि, “भारत जोड़ो यात्रामे हजारो किलोमीटरक यात्राक क्रममे रोज साँझ हम अपन शिविरक भीतर जुजित्सुक अभ्यास करैत छलहुँ। फिट रहबाक एकटा सरल तरीकाक रूपमे जे शुरू भेल ओ जल्दीसँ एकटा सामाजिक गतिविधिमे बदलि गेल जे ओहि शहरक साथी यात्री आ युवा मार्शल आर्टक छात्रसभकेँ एक सङ्ग अनलक जतय हम रहैत छलहुँ।”
ओ आगू लिखलनि, “हमर लक्ष्य युवासभकेँ एहि ‘सौम्य कला’क सुन्दरतासँ परिचित करायब छल। ध्यान जुजित्सु, ऐकिडो आ अहिंसक संघर्ष समाधान तकनीकक सामंजस्यपूर्ण मिश्रण अछि।“
“हमर उद्देश्य युवासभमे हिंसाकेँ सौम्यतामे बदलबाक भावना उत्पन्न करब छल। संगहि हमर उद्देश्य युवा लोकसभकेँ बेसी दयालु आ सुरक्षित समाजक निर्माणक साधन प्रदान करब छल।”
