सघन मतदाता संशोधन (एसआईआर) केर दौरान बांग्लादेश, नेपाल आ म्यांमारक लोकक मौजूदगीकेँ लऽ कऽ बिहारमे राजनीति गरम भऽ गेल अछि। राजद राज्यसभा सांसद मनोज कुमार झा चुनाव आयोग पर आरोप लगाबैत कहलनि जे, की ओ सभ गठबंधनक साथी बनि गेल छथि ?
राजद सांसद मनोज कुमार झा बिहारमे सघन मतदाता संशोधनक गप करैत कहलनि जे एहिसँ बेसी दुर्भाग्यपूर्ण किछु नहि भऽ सकैत अछि। देशक एकटा संवैधानिक संस्था, जकरा पर बहुत भरोसा अछि। हम पूछैत छी जे इ सूत्र की अछि ? की एही सूत्रक उपयोग उत्पात पैदा करबा लेल होएत ? हमर देशक मुख्य निर्वाचन आयुक्तसँ लऽ कऽ बिहारक मुख्य निर्वाचन अधिकारी धरि एहेन कोनो बयान कियो नहि देलक अछि, मुदा सूत्रक खबरिकेँ के प्लांट कय रहल अछि ? बिहारमे गहन मतदाता संशोधनक नाम पर अराजकता पसरल अछि।
ओ आगू कहलनि जे, जौं बिहारमे मतदाता सूचीमे एक्कौहटा बांग्लादेशी वा विदेशीक नाम भेटैत अछि तऽ एकर जिम्मेदार के अछि ? हमर कहब जे जौं एहेन भेल अछि तऽ केंद्रीय गृहमंत्रीक असफलता अछि आ हुनका इस्तीफा देबाक चाही।
मनोज झा कानून व्यवस्थाक मुद्दा पर जदयू सांसद संजय कुमार झाक बयानक सेहो निशाना बनौलनि। ओ कहलनि जे, “की संजय झा गोपाल खेमकाक घरमे बैसि कानून व्यवस्था पर बयान देताह ? की ओ मुजफ्फरपुर लड़कीक घर पर जा कय कहताह जे 20 साल पहिने सेहो एहेन होइत छल ? हुनकर जीवनमे सहानुभूति हेबाक चाही। हम सब आंकड़ाक बात करब, सार्वजनिक मंच पर हुनका फोन करब। राज्यमे पूर्ण अराजकता अछि आ सरकार ककरो नियंत्रणमे नहि अछि। चाहे ओ छोट वा पैघ व्यवसायी होय, भगवानसँ प्रार्थना करैत छथि, घरसँ निकलबासँ पहिने ताकि साँझमे सकुशल घर वापस आबि सकथि।”
