महाकवि मैथिली पुत्र ‘प्रदीप’ एहि संस्थाक संस्थापक छथि। ‘मैथिली लोक संस्कृति मंच लहेरियासराय एहि सालक ‘मिथिला महोत्सव २०२५’ केर कार्यक्रमक घोषणा कयलक अछि।
संस्थाक महासचिव प्रो. उदय शंकर मिश्र मैपुप्र समदियाकेँ एकर कार्यक्रम रुपरेखाक बारेमे जनतब देलनि। ताहि अनुसार ‘मिथिला महोत्सव २०२५’ समारोह १२ एवं १३ अप्रैल २०२५ केँ द्विदिवसीय होयत।
समारोहक स्वागताध्यक्ष हेताह वरीय अधिवक्ता अम्बर इमाम हाशमी। संरक्षक यू.के. झा एवं संस्थाक अध्यक्ष प्रसिद्ध साहित्यकार चंद्रेशक मार्गदर्शनमे कार्यक्रम आयोजित होएत।
कार्यक्रम रुपरेखाक अनुसार १२ अप्रैल २०२५, शनिकेँ संध्या ०६:०० बजेसँ उद्घाटन, भाषण, सम्मान समारोह, पत्रिका आदिक विमोचन एवं तदुपरांत लोक सांस्कृतिक कार्यक्रम राखल गेल अछि।
१३ अप्रैल, रविकेँ पूर्वाह्न ११:०० बजे विचार गोष्ठी राखल गेल अछि, जकर विषय अछि – ‘मिथिलामे पलायनक स्थिति आ निदान।’ अपराह्न ०५:०० बजेसँ कवि सम्मेलनक आयोजन अछि आ संध्या ०७:०० बजेसँ उद्घाटन, भाषण एवं पुनः भव्य सांस्कृतिक कार्यक्रमक आयोजन राखल गेल अछि।
