मैथिली साहित्यिक एवं सांस्कृतिक समिति मधुबनीक तत्वावधानमे दिनांक २५-०५-२०२५ क’ एहि मासक अंतिम रविकेँ अरूणिमा साहित्यिक मासिक गोष्ठी “संस्कृत उच्च विद्यालय, जलधारी चौक ,मधुबनीमे आयोजित कयल गेल।
संगोष्ठीक अध्यक्षता डॉ बंशीधर मिश्र संचालन रेवती रमण झा समीक्षा गोपाल झा अभिषेक आ धन्यवाद ज्ञापित केलनि डॉ रवीन्द्र कुमार झा।
गोष्ठीमे लगभग १८-२० गोट साहित्यकार लोकनिक उपस्थिति रहल। कविता ,गजल आ कथासॅं उच्च विद्यालयक प्रांगण गुंजायमान रहल।
चण्डेश्वर खॉ अपन व्यंग्यात्मक लघुकथा..सुगरक खोभारिसँ सभकेँ प्रभावित केलनि। सुनील कुमार मिश्रक कविता छल ‘कोना भेटतै सही शिक्षा’,
सुभाष चन्द्र झा सिनेहीक ‘जल’, प्रजापति ठाकुरक ‘ परमानेण्ट त्राण, डॉ रवीन्द्र झा’क कविता ‘ आपरेशन सिन्दूर, मालती मिश्रक कविता ‘प्रेम क्रंदन करैत छै’, विभा झा’क कविता ‘चित्तवनमे लागल छै आगि, अनामिका चौधरीक कविता ‘मूक जीवनक गोहारि, रेवती रमण झाक कथा ‘गाड़ी बला बाबा, कुमकुम मिश्र ठाकुरक कविता ‘काज करबाक मोन नहि’, अनुपम झाक ‘ चुगली ‘, गोपाल झा अभिषेकक ‘ अयोध्या ‘, डॉ बंशीधर मिश्रक ‘चरित्र’, पवन कुमार झाक ‘ घरसॅं शुरुआत, डॉ श्री देव लालक’पहलगामक आतंकी धरना, सीमा कुमारीक ”भेटत कोना विराम’ प्रस्तुत भेल।
सुनील कुमार झा’क कथा सोना गाछी आ वरिष्ठ साहित्यकार वीरेन्द्र झा’क यात्रा वृत्तांत प्रशंसनीय रहल।
