मासक अंतिम रविदिन गणतंत्र दिवसक शुभ अवसरपर मैथिली साहित्यिक एवं सांस्कृतिक समिति, मधुबनीक तत्वावधानमे मासिक अरूणिमा साहित्यिक गोष्ठीक आयोजन जलधारी चौक, स्थानीय संस्कृत उच्च विद्यालयक प्रांगणमे आयोजित कयल गेल। दिनेश चन्द्र झाक अध्यक्षता आ संचालन दिलीप कुमार झाके द्वारा कयल गेल। समीक्षा मालती मिश्रा आ धन्यवाद ज्ञापित केलनि प्रजापति ठाकुर।
अहि गोष्ठीमे ‘मैथिल पुनर्जागरण प्रकाश’ मैथिली दैनिक समाचार पत्रक लोकार्पण संयुक्त रूपे उपस्थित साहित्यकार लोकनि द्वारा कयल गेल। अहि अवसरपर सभ मैथिलजन मैथिली अखबार लेल अप्पन शुभकामना देलनि।
कवि गोष्ठीमे लगभग १७ गोटेक काव्य पाठ भेल आ एकटा कथाक वाचन सेहो भेल।जाहिमे उपस्थित कुमकुम ठाकुरक ‘जिनगी’, विभा कुमारीक ‘तिरंगा’, रविन्द्र कुमार झा’क ‘कुंभक मेला आ सरस्वती, सुभाष कुमार सिनेहीक ‘राष्ट्रभूमि’, प्रभास कुमार दमनक ‘पचहत्तर वर्षक गणतंत्र’, ऋषिदेव सिंहक ‘डॉ मनमोहन सिंह’, सुनील कुमार मिश्रक ‘२६ जनवरी १९५०’, गोपाल झा अभिषेकक ‘अछि कि नहि अछि’, बिनय विश्वबंधुक ‘देश जखनि आजाद भेल’, प्रजापति ठाकुरक ‘शक्तिक अजस्र स्रोत’, प्रीतम कुमार निषादक ‘महाकुंभक संकल्प गीत आ ‘बूढाक बपराहटि’, बंशीधर मिश्रक व्यंग्य कविता, दिनेश कुमारक’ लोकतंत्र’, दिलीप कुमार झा’क ‘चन्द्रशेखर आजाद’, मालती मिश्रा’क’ सरस्वतीक प्रवाह’ आ एकमात्र कथा ‘शांति’, रेवती रमण झा’क द्वारा वाचन कयल गेल। गोष्ठीक आयोजन सफलतापूर्वक सम्पन्न भेल।
