मध्यविद्यालय रहिकाक प्रांगणमे १६ फरवरी, रविक साँझमे मिथिला मैथिलीक अग्रणी संस्था मैथिल समाज रहिका , मधुबनीक कार्यसमितिक विस्तारित बैठक संस्थाक अध्यक्ष पूर्व विधान पार्षद सुमन कुमार महासेठक अध्यक्षतामे आयोजित कयल गेल।
बैसारमे संस्थाक महासचिव प्रो शीतलांबर झा प्रमुख रूपसँ चारि टा प्रस्ताव रखलनि, जाहिमे गत वर्ष 2024 केर आय-व्यय प्रस्तुत कयल जकरा सदस्य सभ संपुष्टि कयलनि। गत वर्षक कार्यक्रमक समीक्षा भेल, संगहि संस्थाक महासचिव प्रो शीतलांबर झाक पदसँ इस्तीफा केर सदस्य सभ नामंजूर कयलनि एवं आगामी मिथिला विभूति स्मृति पर्व समारोह पर गहन विचार विमर्शक बाद सर्वसम्मतिसँ निर्णय भेल कि आगामी मिथिला विभूति स्मृति पर्व समारोह 29 , 30 एवं 31 मार्चकेँ प्रत्येक वर्षोंक भांति एहू वर्ष त्रिदिवसीय समारोह आयोजित करय केर निर्णय लेल गेल। पुरने कमिटीकेँ सदस्य सभ अनुमोदन कयलनि।
संस्थाक अध्यक्ष सुमन कुमार महासेठ, उपाध्यक्ष मो सनाउल्लाह रहमानी मुखिया दक्षिणी ककरौल एवं पूर्व प्रमुख एवं प्रसिद्द रंगकर्मी जटाधार पासवान , प्रो शीतलांबर झा महासचिव , कोषाध्यक्ष मधु राय , सह सचिव भवेश कुमार झा होयताह, संगहि इक्यावन सदस्यक कार्यसमिति होएत।
प्रो शीतलांबर झा महासचिव कहलनि कि मैथिल समाज रहिका पिछला 52 वर्षसँ मिथिला मैथिलीक सर्वांगीण विकासक लेल काज करैत रहल अछि। ई संस्था समाजिक एवं सांस्कृतिक अछि। मातृभाषा मैथिलीकेँ संवैधानिक मान्यता दिआबयमे संस्थाक अहम भूमिका रहल अछि ,भारत वर्षमे मिथिला सहित देशक गौरव महाकवि विद्यापतिजी केर मूर्तिक अनावरण रहिकामे 1975 मे भेल छल।
प्रो झा कहलनि, एहि वर्षक समारोह पूर्व वर्षोंक भांति एतिहासिक रूपसँ मिथिला विभूति स्मृति पर्व समारोह आयोजित करत। एहि कार्यक्रममे जनप्रतिनिधि, विद्वान, साहित्यकार, कवि , प्रसिद्द लोक गायक एवं गायिकाकेँ आमंत्रित कयल जाएत, मिथिला-मैथिलीक क्षेत्रमे उल्लेखनीय योगदान देबय वाला व्यक्तिकेँ सम्मान कयल जाएत, संगहि संस्था द्वारा प्रत्येक वर्षोंक भांति एहि वर्ष सेहो यात्री पुरस्कार , डॉ काँचीनाथ झा किरण पुरस्कार , रवींद्र महेंद्र सम्मान एवं चुनचुन मिश्र पुरस्कार देल जाएत।
बैसारमे संस्थाक संस्थापक सदस्य, साहित्य अकादमी पुरस्कारसँ सम्मानित उदय चंद्र झा विनोद , अभया नंद झा, जटाधार पासवान , चंद्र किशोर मंडल , मधु राय , जिला परिषद सदस्य उमर अंसारी ,प्रहलाद पूर्वे, कमलनाथ झा, देवेंद्र यादव , कृष्ण कुमार सह , मनोज कुमार झा बबलू , पवन कुमार झा , उदय भूषण निराला, शिव कुमार झा , संजीव पाठक , अवधेश झा , राजू झा , कुमार गौरव , बलराम पाठक , ब्रह्मानंद झा, विजय कुमार मिश्र , राजू पासवान, विद्यानंद ठाकुर, कामेश्वर कामत , ललन मंडल , दीपू कुमार मिश्र , अवकाश कुमार झा , भवेंद्र मिश्र उदय कांत झ ललन आदि अनेक सदस्य उपस्थित छलथि।
