समस्त जीवक लेखा जोखा रखनिहार भगवान चित्रगुप्त पूजनोत्सव कार्यक्रम आयोजित

सहरसा समदिया
*

श्री चित्रगुप्त कल्याण समितिक तत्वावधानमे रवि, कार्तिक शुक्ल द्वितीया कऽ नया बाजार स्थित श्री चित्रगुप्त मंदिरमे समिति अध्यक्ष रमण कुमारक अध्यक्षता आ सचिव ए के गुड्डूक संचालनमे श्री श्री 108 श्री चित्रगुप्त पूजनोत्सव कार्यक्रम धूमधामसँ मनाओल गेल। एहि शुभ अवसर पर क्षेत्रक समस्त चित्रांश परिवारक लोक भोरे मंदिरमे उपस्थित भऽ चित्रगुप्त भगवानकेँ भक्ति भावसँ पूजा कयलनि। एहि दिन चित्रांश सदस्य कलम दवातक संग आराध्य चित्रगुप्त देवक पूजा करैत छथि।

एहि शुभ अवसर पर समिति अध्यक्ष रमन कुमार द्वारा संरक्षक कृष्णानंद वर्मा, अर्जुन प्रसाद वर्मा, देवेन्द्र कुमार मल्लिक आ अनिल कुमार दासकेँ संघर्ष आ त्याग लेल पारंपरिक तरीकासँ पाग, चादर आ फूल मालासँ सम्मानित कयलनि। कार्यक्रम केर सफल बनेेबामे समितिक उपाध्यक्ष राजेश कुमार वर्मा, अमित प्रकाश, चंदन भारती, संयुक्त सचिव संदीप कुमार दास, राजेश कुमार, लोकेश कुमार, कोषाध्यक्ष इन्द्रकांत, लेखापरीक्षक परिमल किशोर, संगठन मंत्री प्रभात सोनू, राजेश रंजन, कार्यालय प्रभारी जीवन वर्मा, अवनीश कुमार, पंकज कुमार, रूपेश रोशनक भूमिका महत्वपूर्ण छल।

एकर अलावा संरक्षक घनश्याम मल्लिक, विधि सलाहकार अखिलेश कुमार वर्मा, वरिष्ठ सलाहकार सदस्य अजय कुमार वर्मा, धीरेन्द्र कुमार धीरज, सक्रिय सलाहकार सदस्य योगेश प्रसाद “शंकर”, अभिषेक वर्मा पूजा महोत्सव कार्यक्रम सफल बनेबाक लेल महत्वपूर्ण निर्देशन दऽ कार्यक्रम केेर सफल बनाओल। कार्यकारिणी सदस्य कुमार मनीष, प्रतीक कर्ण, राजकुमार वर्मा, अभिषेक कुमार, अभिनव कुमार, रोशन कुमार, नीलेश श्रीवास्तव, विनीत कुमार, अनिमेश कुमार सम्पूर्ण क्षेत्रसँ सहयोग आ पूजा अभियान चला कऽ कार्यक्रम केल सफल बनौलनि। एहि पूजा महोत्सवमे कायस्थ समुदायक हजारो चित्रांश सदस्य उपस्थित छलाह।