कांग्रेस सांसद राहुल गांधी एक्स सोशल साइट पर लोको पायलटक संग बातचीतक एकटा वीडियो साझा कयलनि अछि। एहिमे ओ लोको पायलटक कार्यप्रणाली बुझैत प्रतीत होइत छथि। बातचीतमे लोको पायलट शिकायत कऽ रहल छथि जे हुनका बुनियादी सुविधा सेहो नहिं देल जा रहल अछि। हुनकर काजक समयक कोनो सीमा नहिं अछि।
कांग्रेस सांसद आ लोकसभामे प्रतिपक्षक नेता राहुल गाँधी लोको पायलटसँ बातचीत कयलनि आ हुनकर समस्या सुनलनि। ओकर बाद राहुल गांधी नरेन्द्र मोदी सरकार पर हमला करैत कहलनि जे लोको पायलटक जीवन पूर्णतः पटरीसँ उतरि गेल अछि। हुनकर काजक कोनो सीमा नहि अछि। ओ संसदमे हुनकर अधिकारक लेल आवाज उठयताह।
राहुल गाँधी एक्स सोशल साइट पर लोको पायलटक सङ्ग बातचीतक एकटा वीडियो साझा कयलनि अछि। एहिमे ओ लोको पायलटक कार्यप्रणाली बुझैत प्रतीत होइत छथि। बातचीतमे लोको पायलट शिकायत कऽ रहल छथि जे हुनका बुनियादी सुविधा सेहो नहि देल जा रहल अछि। हुनकर काजक समयक कोनो सीमा नहि अछि।
ओ लिखलनि, “नरेन्द्र मोदी सरकारक शासनकालमे लोको पायलटक जीवनक रेल पूर्ण रूपसँ पटरीसँ उतरि गेल अछि। गर्मीसँ उबलैत केबिनमे बैसल लोको पायलटकेँ १६-१६ घंटा काज करय लेल विवश कयल जाइत अछि, जिनका पर करोड़ो जीवन चलैत अछि, हुनका अपन जीवन पर कोनो भरोसा नहि अछि।
ओ कहलनि जे यूरिनल एहेन बेसिक सुविधासँ वंचित, लोको पायलटक नहिं काजक घंटाक कोनो लिमिट अछि आ ने हुनका छुट्टी भेटैत अछि, जाहि कारणेँ ओ शारीरिक आ मानसिक रूपसँ टूटि कऽ बीमार भऽ रहल छथि।
ओ कहलनि जे एहन स्थितिमे लोको पायलटसँ गाड़ी चलौलासँ हुनकर आ यात्रीक जीवन खतरामे पड़ि रहल अछि। इंडिया ब्लॉक लोको पायलटक अधिकार आ कार्यस्थितिमे सुधार लेल संसदमे आवाज उठओत। अपन ट्वीटमे लोको पायलटक दर्दक उल्लेख करैत ओ कहलनि जे एहि चर्चासँ लोक हुनकर दर्द बुझि सकैत छथि।
एहिसँ पहिने शनिदिन अखिल भारतीय लोको रनिंग स्टाफ एसोसिएशनक तरफसँ राहुल गाँधीकेँ एकटा ज्ञापन सौंपल गेल छल। ओहिमे हालक भेल रेल दुर्घटनाकेँ खराब कामकाजक स्थितिकेँ दोषी ठहरौलक अछि। आर कुमारसन नई दिल्ली रेलवे स्टेशनपर लोको पायलटक सङ्ग राहुल गाँधीक बातचीतमे महत्वपूर्ण भूमिका निभौलनि। ओ कहैत छथि जे एहि वार्तालापक माध्यमसँ ओ लोको पायलट आ यात्रीक मुद्दा दिसि लोकक ध्यान आकृष्ट कऽ रहल छथि आ ओकर समाधान खोजि रहल छथि।
