मानसून सत्रक तेसर दिन बिहार विधान सभामे भारी हंगामा मचि गेल। बुधदिन सदनमे सीएम नीतीश कुमार आ तेजस्वी यादवक बीच गरमागरम बहस भेल।
बिहारमे मतदाता सूची संशोधन आ कानून व्यवस्थाकेँ लऽ कऽ विपक्षी दल लगातार हंगामा मचा रहल अछि, मानसून सत्रक तेसर दिन सेहो सदनमे खूब हंगामा भेल। विपक्षी विधायक फेर कारी कपड़ा पहिरि विरोध प्रदर्शन कयलनि।
विधानसभाक कार्यवाही शुरू भेल तॅं सीएम नीतीश कुमार आओर नेता प्रतिपक्ष तेजस्वी यादव दुनू सदनमे मौजूद छलाह। एकर बाद सभामे बहुत हंगामा भेल। तखनि सीएम नीतीश तेजस्वी पर पैघ हमला कय हुनका अपन पिता लालू प्रसाद यादवक शासन याद दियेलनि।
बिहार विधानसभाक कार्यवाही शुरू भेला पर सभापति कहलनि जे, “विपक्षक विरोध लोकतंत्रक आत्मा अछि… मुदा विरोध आओर हमलाक भाषा सही नहि अछि। काल्हिके घटनामे विधानसभा सचिवालयक कर्मचारीकेँ सेहो चोट लागल, ई वैऽह लोक छथि जे निष्ठासॅं सेवा करैत आबि रहल छथि।
मतदाता सूची संशोधन (एसआईआर) केर संबंधमे प्रतिपक्षक नेता तेजस्वी यादव कहलनि जे, “लालू जी कहैत छथि जे वोटक नियमक मतलब छोटक शासन अछि। संविधानमे हमरा सबकेँ ई अधिकार भेटल अछि जे कोनो व्यक्ति जे 18 सालक छथि हुनका एक वोट देबय केर अधिकार अछि। हम सब एसआईआर केर विरोध नै करैत छी मुदा जे प्रक्रिया हेबाक चाही ओ पारदर्शिताक संग हेबाक चाही, चुनाव आयोगकें निष्पक्ष रूपसॅं काज करबाक चाहैत छल।
