बिहार विधानसभा चुनावसँ पहिने कांग्रेस पार्टी एक्शन मोडमे आबि गेल अछि। एहि बेर पार्टी कोनो गलती करय केर मूडमे नहि अछि। पार्टी विधानसभाकेँ कंडिडेटक चयन लेल शनिकेँ क्यूआर कोड स्कैनरकेँ लॉन्च कय देलक अछि। एहि कोडक माध्यमसँ केंडीडेट अपन काबिलियत पर टिकट प्राप्त कय सकैत अछि।
बिहार कांग्रेसकेँ प्रदेश कार्यालय सदाकत आश्रममे प्रदेश अध्यक्ष राजेश राम क्यूआर कोडकेँ लॉन्च करैत कहलनि जे विधानसभा चुनावक टिकट लेल एहि कोडसँ आवेदन कएल जायत।
ओ कहलनि कि एहिमे आवेदनक लेल 6 मानदंड राखल गेल अछि। एहिमे मुख्य रूपसँ पूछल गेल अछि जे आँहाँ कांग्रेस पार्टीसँ कतेक दिनसँ जुड़ल छी, आँहाँ कतेक पार्टीक झंडा लगेलौं, आवेदन करबा लेल कांग्रेसक सदस्य होयब अत्यावश्यक अछि, मुदा सबसँ पैघ बात ई अछि जे एहि कोडक लेल मात्र नवका लोक नहि, वर्तमान विधायककेँ सेहो एहि कोडक माध्यमसँ आवेदन करय पड़त। एहि केर अलावे पूर्व एमएलए, पूर्व एमपी कियो जँ आवेदन करय चाहैत छथि तँ हुनका सेहो एही कोडसँ आवेदन करय पड़त।
राजेश राम कहलनि जे हमर सर्वे सभ 243 सीट सभक लेल कैंडिडेटक अछि। हम सशक्त आवेदन लेबय चाहैत छी, एहिमे कांग्रेसकेँ जीतबए वला सीट भेटत तखने ओ उम्मीदवार चुनाव लड़त। आ जे कोनो लोकक आवेदन आयत, ओ इंडिया गठबन्धनक उम्मीदवार जे चुनाव लड़त तिनका सहायता करत। एहि स्कैनरक माध्यमसँ कांग्रेस समिति लोकसँ सीधा संवाद होयत। एहिसँ निष्पक्षता भेटत आ सामूहिक निर्णय लेबामे मदद भेटत। एहि माध्यमसँ उम्मीदवार सभक चयनमे मदद भेटत।
