प्रधान जिला आ सत्र न्यायाधीश सह अध्यक्ष जिला विधिक सेवा प्राधिकार विनोद कुमार तिवारीक निर्देश पर आ जिला विधिक सेवा प्राधिकारक सचिव रंजन देवक मार्गदर्शनमे परियोजना बालिका उच्च विद्यालय बेनीपुरमे लीगल लिट्रेसी क्लबक छात्राक बीच वाद-विवाद कार्यक्रमक आयोजन कयल गेल।
कार्यक्रममे छात्रा सभ संविधानमे उपबंधित प्रस्तावना , मौलिक कर्तव्य आ शिक्षाक अधिकार विषय पर परिचर्चा कयलनि। छात्रा सभकेँ संबोधित करैत पैनल अधिवक्ता अरुण कुमार महतो कहलनि जे प्रस्तावना हमरा सबहक संविधानक दर्पण थीक जे संविधानक उद्देश्यक दर्शन कराबैत अछि । पैनल अधिवक्ता विनोद कुमार मिश्र मौलिक कर्तव्य आ शिक्षाक अधिकार केर बारेमे बतौलनि।
छात्रा लक्ष्मी कुमारी , शिवानी कुमारी , राधिका , पुजा , सुधा , भवानी आदि वाद-विवादमे हिस्सा लेलन्हि ।
मौका पर प्रभारी शिक्षक पवन कुमार , पीएलवी लक्ष्मी कुमारी, नितीश कुमार राम आदि मौजूद छलथि।
