राष्ट्रीय जनता दलक प्रखंड कार्यालयमे राष्ट्रीय जनता दलक नीति, सिद्धान्त आ नेता प्रतिपक्ष तेजस्वी प्रसाद यादव आर्थिक न्यायकेँ स्थापित करबाक जे नारा देलन्हि , ओहिसँ प्रभावित भऽ कऽ बीजेपीकेँ छोड़ि विवेक कुमार साहु, पंकज साहु सहित लगभग एक दर्जन अतिपिछड़ा समाजक लोक राष्ट्रीय जनता दलक सदस्यता ग्रहण कयलनि अछि।
प्रखंड अध्यक्ष नीलाम्बर यादव विवेक कुमार साहुकेँ प्रखंड महासचिव पद पर मनोनीत कयलन्हि अछि। विवेक साहु राष्ट्रीय जनता दलक विचारकेँ घर-घर पहुँचेबाक संकल्प लैत अतिपिछड़ा समाजसँ आह्वान कयलन्हि अछि जे लालू प्रसाद यादव समाजिक न्याय दियेलन्हि आ नेता प्रतिपक्ष तेजस्वी प्रसाद यादव आर्थिक न्याय दियेबाक लेल अतिपिछड़ा समाजक संग कदमसँ कदम मिलाकय चलबाक लेल तैयार छथि, एहि लेल 2025 केर विधानसभा चुनावमें सभ अतिपिछड़ा समाज तेजस्वी प्रसाद यादवक हाथकेँ मजबूत करबाक काज करताह।
विवेक कुमारकेँ राष्ट्रीय जनता दल बेनीपुर प्रखंड महासचिव पद पर मनोनीत भेला पर नगर अध्यक्ष गयासुद्दीन उर्फ तनवीर, युवा अध्यक्ष चन्दन साफी, प्रदेश सचिव कमल रामविनोद झा उर्फ कमल सेठ, गयासुद्दीन, अरुण कुमार निराला, चन्देशवर यादव, जिबछ सदा, माधव सदा, विजय पासवान, हरिलाल यादव, सुजित कुमार कमती, विजय राम, प्रमोद झा, शिवकुमार झा, रणधीर पासवान, राधेश्याम दास आदि कार्यकर्ता सभ हुनका हार्दिक बधाई आ शुभकामना देलनि।
