लालू प्रसाद यादव बिहार विधानसभा चुनावक बारेमे महत्वपूर्ण दावा कयलनि। दिल्ली चुनावक नतीजाक बिहार पर पड़यवला प्रभावक बारेमे राष्ट्रीय जनता दल (राजद) क अध्यक्ष आ बिहारक पूर्व मुख्यमंत्री लालू प्रसाद यादव कहलनि, जे दिल्लीमे भारतीय जनता पार्टी (भाजपा)क जीतक बादो राष्ट्रीय जनतांत्रिक गठबंधन (एनडीए) एहि सालक अन्तमे होबयवला बिहार विधानसभा चुनावमे हारि जायत। जखन पत्रकारसभसँ ‘इंडिया’ (इंडियन नेशनल डेवलपमेंटल इंक्लूसिव अलायन्स) गठबंधनक सहयोगी आम आदमी पार्टी (आप)क दिल्ली विधानसभामे सत्तासँ बाहर होयबाक प्रभावक विषयमे पूछल गेल तँ लालू यादव कहलनि, “एतय कोनो प्रभाव नहि पड़त। भाजपा सत्तासँ बाहर भऽ जाएत।
२४३ सदस्यीय विधानसभामे लालू यादवक पार्टीक सबसँ बेसी सीट अछि। जखनि राजद सुप्रीमोकेँ कहल गेल जे राजगक नेता बिहारमे सत्तामे वापसी लेल आश्वस्त छथि तखनि ओ हुनकर जीतक संभावना केर खारिज कऽ देलनि। ओ कहलनि, “जाबति धरि हम बिहारमे छी, ओ सभ एतय सरकार नहि बना सकैत छथि। जनता भाजपाकेँ चिन्हि लेलक अछि।
भाजपाक वरिष्ठ नेता आ उप मुख्यमंत्री विजय कुमार सिन्हा एहि बयान पर प्रतिक्रिया दैत कहलनि, “लालू जी रहथि वा नहि, एनडीए सत्तामे बनल रहत। ओ कहलनि, “जनताकेँ लालू’क जरूरत नहि अछि। हुनकर शासनकालमे व्यापक जातिवाद आ कुशासन भेल, जे राज्यक नाम कलंकित कयलक आ बिहारी शब्दकेँ एक प्रकारक कलंक बना देलक।”
लालू प्रसादक बयान पर प्रतिक्रिया दैत जदयू प्रवक्ता नीरज कुमार कहलनि, “लालूजीकेँ इ याद रखबाक चाही जे बिहारमे एनडीए हुनकर कार्यकालमे सत्तामे आयल छल आ जखनि ओ ओतय छथि तखनि फेरसँ एना करैत रहत। “एनडीए २२५ सीटक लक्ष्य रखलक अछि, जे २०१० मे भेटल सीटसँ बेसी अछि। राजद बुरी तरह पराजित होएत। लालूजीक अपन चिंता करबाक चाही। ओ सार्वजनिक जीवनसँ सेवानिवृत्त होयबाक आयुमे छथि। हुनकर बेटा आ उत्तराधिकारी तेजस्वी यादव हुनकर बात नहि सुनैत छथि।”
