उपमुख्यमंत्री सम्राट चौधरी लालू यादव पर हमला करैत कहलनि जे लालू 1990 सँ 2005 धरि मात्र नाच देखैत रहलाह, कोनो काज नहिं कयलनि। चौधरी कहलनि जे ओ गांधी मैदानमे लालूसँ माफी मंगबेलनि आ आगूओ हुनका झुकाबए केर काज करब।
बिहारमे विधानसभा चुनावसँ पहिनहि राजनीतिक दलसभक बीच आरोप-प्रत्यारोप तेज भऽ गेल अछि। एहि बीच सोमकेँ विधानसभा सत्रके दौरान सत्ता पक्ष आ विपक्ष आपसमे जमिकय हमला करलक।
उपमुख्यमंत्री सम्राट चौधरी नेता प्रतिपक्ष तेजस्वी यादव पर निशाना साधैत कहलनि ‘हम जातिक राजनीति नहि करैत छी आ हम भाजपाक सदस्य छी। हम लालूजी संग काज कयने छी, मुदा, हमर विचार अलग छल। लोक पूछैत छथि जे की हम संघ कार्यालय गेल छी, तखन हम पूछैत छी जे जखनि अपनेक पिता मुख्यमंत्री बनल छलाह, की ओहि दिन ओ संघ कार्यालय गेल छलाह ?
चौधरी कहलनि जे, जहिया अहाँ संघ कार्यालय जायब, अहांक भाग्य खुजि जायत।
सम्राट चौधरी कहलनि जे हम अपराधी सबकेँ नहि छोड़ब। जँ अपराधी कट्टा देखाएत, तखन पुलिस हुनका मारि देत। पुलिस एहि बात केर स्पष्ट क’ देलक अछि।
सम्राट चौधरी आगाँ कहलनि जे लालूजी कहैत छलथि जे रानीक पेटसँ राजा जनम नहि लेत, लेकिन, एतए राजा सेहो आएल, रानी सेहो आएल, राजकुमार सेहो आएल आ राजकुमारी सेहो आएल। डिप्टी सीएम लालू यादव पर हमला करैत कहलथि जे लालू 1990 सँ 2005 तक मात्र नाचे देखैत रहलाह, हुनकासँ किछु काज नहि भेल। चौधरी कहलथि ओ लालूक अत्याचारसँ राजनीतिमे आएल छथि। सम्राट चौधरी इहो कहलथि जे ओ मैदानमे लालू यादवसँ माफी मंगबेलनि आ आगाँ सेहो लालू यादवकेँ झुकाबैक काज करब।
ओ कहलथि जे 2010 मे पूरा लालूक परिवार हारि गेल लेकिन सम्राट चौधरी जीत क’ आएल। ओ कहलथि जे हमरासँ जतेक बेर लड़ताह तेतेक बेर हारताह। चौधरी कहलथि जे लालू यादवक परिवार मात्र विक्टिम कार्ड खेलैत अछि। ओ कहलथि जे लालू यादव जखनि जेल जा रहल छलाह त’ जनता दलक सरकार छल, हुनका कोर्ट सजा देलक। डिप्टी सीएम कहलथि जे एहेन पहिल बेर भेल अछि जखन कोनो सीटिंग सीटक मुख्यमंत्रीकेँ जेल भेजल गेल आ सजा भेटल।
ओतहि सम्राट चौधरी तेजस्वीक नाम लेने बिना हुनका पर कटाक्ष करैत कहलनि ‘जे व्यक्ति 4 वर्षक आयुसँ घोटाला करि रहल अछि ओ व्यक्ति आइ हमरा सबकेँ राजा हरिश्चंद्र बनिक’ ज्ञान दऽ रहल अछि। यद्यपि एहि बात पर तेजस्वी ठाढ़ भ’ गेलाह आ हुनका प्रश्न कयलनि जे जँ ओ 4 वर्षक आयुसँ घोटाला करैत अछि आ आइ 36 वर्ष भ’ गेल अछि तँ 32 वर्षमे सरकार हुनका विरुद्ध कारवाई किएक नहि कएलक।
