जिला मुख्यालय स्थित किलकारी बिहार बाल भवन द्वारा आयोजित निःशुल्क चक धूम-धूम ग्रीष्मकालीन शिविरक उद्घाटन समारोह आयोजन कयल गेल। एहि अवसर पर उपस्थित साहित्यकार डॉ. अरविंद श्रीवास्तव बतौलनि जे किलकारी 8 सँ 16 वर्षक बच्चा सभक सृृजनात्मक आ रचनात्मक विकास लेल निःशुल्क काज क’ रहल अछि। जे अतुलनीय आ सराहनीय अछि, ओ कहलनि जे ग्रीष्मकालीन छुट्टीमे विशेष प्रशिक्षण लेल समर कैंपक आयोजन भऽ रहल अछि। कार्यक्रमक शुरुआत पारंपरिक तरीका स बच्चा सब द्वारा मंगल टीका लगा कऽ दीप प्रज्वलित कयल गेल। एहि अवसर पर किलकारीक संभागीय कार्यक्रम समन्वयक राहुल मिश्रा ग्रीष्मकालीन शिविरक उद्देश्य आ महत्वक संग किलकारीक बारेमे विस्तारसँ बतौलनि। उद्घाटनक अवसर पर जादूगर डॉ. अमन कुमारक शो बच्चा सबहक लेल मुख्य आकर्षण बनल रहल। ई शिविर 1 मईसँ चलि रहल अछि आ 15 मईकेँ समाप्त होयत। एम्हर सब दिन भोर 11 बजेसँ साँझ 6:30 बजे तक बच्चा सबकेँ स्थानीय आ बाहरी विशेषज्ञसँ विभिन्न विधा जेना नृत्य, संगीत, नाटक, चित्रकला, शिल्प आ कराटे आदिक बहुत रास बात सीखबाक मौका भेटत। उक्त कार्यक्रमक अवसर पर सहायक कार्यक्रम अधिकारी मीरा कुमारी, सहायक लेखा अधिकारी विश्व विजय झा, संभागीय संसाधन व्यक्ति सोनम कुमारी एवं सम्पूर्ण किलकारीक अन्य सब प्रशिक्षक आर कर्मीगण उपस्थित रहलाह।कार्यक्रमक समापन सहायक लेखा अधिकारी द्वारा देल गेल धन्यवाद ज्ञापनक संग कयल गेल।
