तेजस्वी यादवकेँ सीएम फेस पर कहलनि मदन मोहन झा, अखन कुनू निर्णय नहि

पटना समदिया
*

मदन मोहन झा कहलनि जे आबैवला दिनमे महागठबंधनमे किछु आओर सहयोगी दल जुड़त। महागठबंधनक कुनबा बढ़त। ओ कहलनि जे हर पार्टीक इच्छा होइत अछि जे मुख्यमंत्री हुनकर होय। आरजेडी तेजस्वी यादवकेँके मुख्यमंत्रीक रूपम प्रोजेक्ट कय रहल अछि, मुदा आधिकारिक रूपसँ एखनि सब किछु पेंडिंग अछि।

तेजस्वीकेँ सीएम फेस के ल’ क’ आब बिहार कांग्रेसक पूर्व अध्यक्ष आ एमएलसी मदन मोहन झा’क पैघ बयान सोंझा आयल अछि। बुधकेँ (16 अप्रैल) मदन मोहन झा कहलनि जे महागठबंधनमे पाँच दल अछि सब मिलि क’ आबयवाला दिनमे बैठक करत। तखन तय होएत जे महागठबंधनक सीएम उम्मीदवार के होएत। एखनि एहि पर फैसला नै भेल अछि।
कांग्रेस नेता कहलनि जे काल्हि (17 अप्रैल) पटनामे महागठबंधनक जे बैठक अछि, ताहूमे मुख्यमंत्रीक चेहरा पर कोनो निर्णय नै होएत। काल्हि कॉमन मिनिमम प्रोग्राम, को-ऑर्डिनेशन कमेटी पर फैसला भऽ सकैत अछि। ई पूछल गेला पर जे आरजेडी तेजस्वी यादवकेँ महागठबंधनक सीएम उम्मीदवार घोषित कए चुकल अछि। ओ कहलनि जे हर पार्टीक इच्छा होइत अछि जे मुख्यमंत्री हुनकर होय, मुदा महागठबंधनमे एहि मुद्दा पर अखन कुनू निर्णय नै भेल अछि। मदन मोहन झा कहलनि जे पिछला बेर कांग्रेस 70 सीट पर लड़ल छल। हर पार्टीक इच्छा बेसी सीट पर चुनाव लड़बाक होइत अछि। हमरा सेहो एही बेर बेसी सीट पर चुनाव लड़ै केर इच्छा अछि।