केन्द्रीय सूक्ष्म, लघु आ मध्यम उद्यम मंत्री जीतन राम मांझी शनिदिन खादी आ ग्रामोद्योग आयोग (केवीआईसी) क्षेत्रक प्रदर्शन आ खादी महोत्सव २०२४ केर तैयारीक समीक्षा कयलनि। ओ देशमे एकर व्यापक प्रचारक माध्यमसँ खादीकेँ व्यापक रूपसँ अपनयबाक आवश्यकतापर जोर देलनि।
एहि समीक्षा बैसारमे ओ केन्द्र सरकार द्वारा संचालित योजनासभक कार्यान्वयनक विषयमे जनतब देलनि जाहिसँ लोकसभकेँ खादी अपनयबाक लेल प्रोत्साहित कयल जा सकय आ ग्रामीण क्षेत्रमे रोजगार सृजनमे योगदान देल जा सकय।
मंत्रालयक अनुसार ई बैसार देशमे खादीकेँ बढ़ावा देबाक उद्देश्यसँ आयोजित कयल गेल छल। समीक्षा बैसारमे केन्द्रीय सूक्ष्म, लघु आ मध्यम उद्यम राज्य मंत्री शोभा आ खादी आ ग्रामोद्योग आयोगक अध्यक्ष, सूक्ष्म, लघु आ मध्यम उद्यम मंत्रालयक सचिव, सूक्ष्म, लघु आ मध्यम उद्यम मंत्रालय (एआरआई), मुख्य कार्यकारी अधिकारी, केवीआईसी आ सूक्ष्म, लघु आ मध्यम उद्यम मंत्रालय आ खादी आ ग्रामोद्योग आयोगक अन्य अधिकारी सेहो उपस्थित छलाह।
