जे भारत पर हमला करत ओ पातालमे सेहो नहि बाँचत : वाराणसीमे पीएम मोदी

वाराणसी
*

प्रधानमंत्री नरेंद्र मोदी कांग्रेस आ समाजवादी पार्टीक द्वारा ‘ऑपरेशन सिंदूर’ पर सवाल उठेला पर काल्हि वाराणसीमे जमि कय घेरेलनि। ओ कहलनि जे, एहि नाम पर ओ सब परेशान भऽ रहल छथि। ओ कहलनि जे भारत पर जे कियो हमला करत ओ पातालमे सेहो नहि बाँचत।

प्रधानमंत्री मोदी शनिदिन वाराणसीक सेवापुरीमे 2183.45 करोड़ रुपयाक 52 विकास परियोजनाकें उद्घाटन आ शिलान्यास कयलनि। एकर संग-संग पीएम मोदी पीएम किसान सम्मान निधि केर २०म किस्तकें देश केर ९.७० करोड़सॅं बेसी किसानक खातामे दोसर बेर काशीसॅं भेजलनि। एकर बाद ओ ऑपरेशन सिंदूरक संबंधमे विपक्षी दलकें कठघरामे बाढ़ कय देलनि।

प्रधानमंत्री मोदी कहलनि जे दुर्भाग्यवश ऑपरेशन सिन्दूरक सफलता पर हमर देशक किछू लोककें सेहो पेटमे दर्द भऽ रहल अछि। कांग्रेस पार्टी, ओकर अनुयायी, ओकर मित्र एहि बातकेँ पचा नहि पाबि रहल अछि जे भारत पाकिस्तानक आतंकी अड्डाकें तबाह कय देलक।

ओ कहलनि जे, आइ महादेवक शहरमे एतेक विकास आ कल्याणकारी काज भेल अछि। शिव अर्थात् कल्याण। मुदा शिवक दोसर रूप अछि रुद्र। जखनि आतंक आ अन्याय होइत अछि तखनि हमर महादेव रुद्रक रूप धारण करैत छथि। भारतक एही रूपकें आपरेशन सिन्दूरक दौरान दुनिया देखलक ।

पीएम मोदी आगू कहलनि, जे कियो भारत पर हमला करत ओ पाताल लोकमे सेहो नहि बचत। मोदी कहलनि जे शिवक एकटा रूप कल्याण अछि, दोसर रूप रुद्र अछि। जखनि आतंक आ अन्याय होइत अछि तॅं हमर महादेव रुद्रक रूप धारण करैत छथि। दुनिया ऑपरेशन सिन्दूरक दौरान भारतक ई रूप देखने अछि।”

ओ आगू कहलनि कि ऑपरेशन सिंदूरक दौरान पूरा दुनिया भारतक देशी हथियारक शक्ति देखलक। हम अपन भारतीयसॅं पूछय चाहैत छी जे ऑपरेशन सिंदूरक सफलता पर गर्व अछि वा नहि। कांग्रेस ऑपरेशन सिंदूरकें तमाशा कहि देलक अछि, अहाँ हमरा कहू जे सिंदूर कहियो तमाशा भऽ सकैत अछि ? सिन्दूरकें कियो तमाशा कहि सकैत अछि ? कियो बताउ जे हम सब सेहो आतंकीकें मारय केर इंतजार करी ? की हम आतंकीकें मारय लेल सपाकें फोन करी ? पीएम मोदी कहलनि जे नव भारत भोलेनाथक सेहो पूजा करैत अछि।

उत्तर प्रदेशमे बनल मिसाइलक जिक्र करैत प्रधानमंत्री कहलनि जे, “ई दुश्मनक सामने सेहो कलभैरव बनि जाइत अछि। हम यूपीक सांसद छी, ताहि लेल हमरा खुशी अछि जे यूपीमे सेहो ब्राह्मोस मिसाइल बनत। ई मिसाइल लखनऊमे तैयार होएत। जॅं पाकिस्तान फेर कोनो पाप करत तॅं यूपीमे बनल मिसाइल आतंकवादीकें तबाह कय देत। आई यूपीमे विकास भऽ रहल अछि आ एकर पाछूक कारण अछि यूपीमे भाजपा सरकार अपराधीमे डर पैदा कय देने अछि।