केन्द्रक जातीय गणना कराबय केर निर्णय पर जदयू प्रवक्ता नीरज कुमार कहलनि जे – “केन्द्रक जातीय गणना कराबय केर निर्णय स्वागत योग्य डेग अछि। बिहारमे एनडीए सरकार जातीय सर्वे कराबय केर निर्णय लेने रहल छल, जे देशक लेल एक उदाहरण बनल रहल।”
बिहार चुनावसँ पहिने केन्द्र सरकार एकटा महत्वपूर्ण दांव चललक अछि, देश भरिमे जातीय गणना कराबय केर निर्णय लेल गेल अछि। महागठबंधन लगातार केन्द्र सरकारसँ राष्ट्रीय स्तर पर जातीय गणना कराबय केर मांग क’ रहल अछि। ई कहल गेल अछि जे कमजोर वर्गकेँ वास्तविक संख्या कतेक अछि ई पता होयत। ताकि हुनकर वास्तविक संख्याक आधार पर विकास योजना बनि सकय आ हुनका ओकर लाभ भेटि सकए।
एहि निर्णयक बाद जेडीयू प्रवक्ता नीरज कुमार अपन प्रतिक्रिया दैत कहलनि, ‘एकटा महत्वपूर्ण सामाजिक निर्णय’।नीरज कुमार कहलनि जे केन्द्रक जातीय गणना कराबय केर निर्णय स्वागत योग्य कदम अछि। बिहारमे एनडीए सरकार जातीय सर्वे केर निर्णय लेने छल, जे देशक लेल एकटा उदाहरण बनल। बदलि रहल समाज, ओकर सामाजिक आ आर्थिक स्थितिमे भ’ रहल बदलाव केर देखैत एहि संबंधमे जातीय गणना होयत त’ कल्याणकारी नीति सभक क्रियान्वयनमे एकटा नव पहल होयत।
जेडीयू केर मुख्य प्रवक्ता आगू कहला, “केंद्र सरकारकेँ बधाई, पीएम मोदी केर नेतृत्वमे एकटा महत्वपूर्ण सामाजिक फैसला लेल गेल अछि।
जनतब जे किछु वर्ष पूर्व नीतीश कुमार पीएम मोदीसँ मिलिकेँ जातीय गणना कराबए केर मांग कएने छलथि, तखनि केंद्र सरकार नहिं करेने छल। ओकरा बाद बिहार सरकार अपन खर्च पर बिहारमे जातीय गणना कराओल आ ओकरा प्रकाशित सेहो कयलक।
