चुनाव आयोगकेँ आब संज्ञान लेबय केर चाही : जेडीयू महासचिव के सी त्यागी
पटना
*
जदयू केर वरिष्ठ नेता आ मुख्यमंत्री नीतीश कुमारक निकट सहयोगी के सी त्यागी कहलनि कि चुनाव आयोग आश्वस्त कएने अछि जे निष्पक्ष आ सही मतदान होएत। मुदा एहि चुनावमे जतेक शब्दक मर्यादा खराब भेल अछि, हम चाहैत छी जे चुनाव आयोग अपन दांत देखाबय अर्थात संज्ञानमे लऽ एहन लोकक खिलाफ कार्रवाई करय जे लोकतंत्रक परम्पराकेँ नष्ट कऽ रहल अछि।
चिराग पासवान पर तेजस्वीक बयानक प्रतिक्रिया दैत जदयू केर राष्ट्रीय प्रवक्ता केसी त्यागी कहलनि, “हम एहन भाषाक प्रयोगक पक्षमे नहिं छी। कोन घरमे आगि नहिं लागल अछि ? ओ अपन घरमे झांकि कऽ देखथि। ओतहि तेजस्वी यादवक स्वास्थ्य पर ओ कहलनि, “हम हुनकर स्वस्थ होयबाक कामना करैत छी।”
तेजस्वी यादव कहने छलथि जे जेडीयू बिहारसँ साफ भऽ जायत, एहि सवालक जवाबमे के सी त्यागी कहलनि कि पिछला बेर एकटा सीट भेटल छल। एहि बेर महागठबंधनकेँ ओहू सीटसँ हाथ धोबए पड़ि सकैत अछि।
