बिहार सरकारक पूर्व मंत्री आ राजद सुप्रीमो लालू प्रसादक पैघ बेटा तेज प्रताप यादवक एकटा पैघ बयान सामने आयल। तेज प्रताप यादव एहि बेर अपन छोट भाई तेजस्वी यादव लेल रविकेँ सोशल मीडिया पर एकटा पोस्ट कएलनि। ओ तेजस्वीसँ कहलनि जे हमर भाई, हम हर परिस्थितिमे तोहर संग छी। तों जयचंद सभसँ सजग रहय, कारण ओ सभ ठाम अछि।
तेज प्रताप यादवक पोस्ट राजनीतिक गलियारामे हलचल मचा देलक आ सोशल मीडिया पर ई पोस्ट खूब वायरल भऽ रहल अछि।
पूर्व मंत्री तेज प्रताप यादव अपन छोट भाईकेँ अर्जुन कहलनि। सोशल मीडिया पर लिखलनि कि हमर अर्जुनसँ हमरा अलग करबाक सपना देखनिहार सभ अहाँक साजिश सफल नहि होयत। कृष्णक सेना तँ अहाँ लय सकैत छी मुदा स्वयं कृष्णकेँ नहि। हर साजिशकेँ जल्दी बेनकाब करब। बस, हमर भाई, विश्वास राखू, हम हर परिस्थितिमे अहाँक संग छी। फिलहाल दूर छी मुदा, हमर आशीर्वाद सदा अहाँक संग रहल अछि आ रहत। हमर भाई, मम्मी-पापा’क ख्याल रखू, जयचंद सभ जगह छथि। अंदर आ बाहर दुनू ठाम छथि। एहीसँ सावधान रहू।
एहिसँ पहिने तेज प्रताप यादव सोशल मीडिया पर पूर्व मुख्यमंत्री लालू प्रसाद यादव आ राबड़ी देवी लेल पोस्ट लिखलनि। ओ ‘एक्स’ पर लिखलनि, हमर प्रिय मम्मी-पापा, हमर पूरा दुनिया बस अहाँ दुनूमे समाहित अछि। भगवानसँ बेसी अहाँ आ अहाँ द्वारा देल आदेश। अहाँ छी तँ सभ किछु हमरा लग अछि। हमरा मात्र अहाँक विश्वास आ प्रेम चाही आ ओहिसँ बेसी किछु नहि। पापा, अहाँ नहि रहितौं तँ नहि ई पार्टी रहैत आ नहि हमरा संग राजनीति करए बला किछु जयचंद जकाँ लालची लोक। बस, मम्मी-पापा, अहाँ दुनू सदा स्वस्थ आ खुश रहू।
