बृहस्पति दिन जिला परिषदमे प्रेसकेँ संबोधित करैत जदयू अल्पसंख्यक प्रकोष्ठक जिला अध्यक्ष जावेद अनवर कहलनि कि सोशल मीडिया पर एकटा वीडियो वायरल भऽ रहल अछि जाहिमे जनता दल (यू) केर राष्ट्रीय कार्यकारी अध्यक्ष सांसद राज्यसभा श्री संजय कुमार झा केर छवि खराब करबाक प्रयास झूठा आरोप लगा कए कयल गेल अछि। जे बिल्कुल निराधार अछि।
अनवर कहलनि जे हम ओहि व्यक्तिक निवास पर उपस्थित छलहुँ जे आरोप लगओलक। कोनो मीटिंग नहिं चलि रहल छल। क्षेत्र आ क्षेत्रक लोक अपन समस्या लऽ कऽ पहुँचि गेल छलाह। सांसद कहलनि जे ई फुलपरास विधानसभा क्षेत्रसँ सम्बन्धित विषय अछि जतय हमर पार्टीक एकटा विधायक मंत्री छथि। ई हुनक क्षेत्रसँ जुड़ल मामिला अछि। अहां हुनका लग जाउ, हम हुनका फोनसँ सेहो कहब। इहो कहल गेल छल जे ई आवेदन अहाँ पहिने सेहो देने छलहुँ। ओ आवेदन जे हम आवश्यक कारवाईक लेल जिला कलेक्टरकेँ पठौने छलहुँ।
उल्लेखनीय अछि जे संजय कुमार झा समाजवादी विचारधाराक व्यक्ति छथि, ओ लोहिया, जयप्रकाश, कर्पूरी आ अम्बेडकरक विचार पर आधारित राजनीतिक सेवा करबाक लेल अपन डेग आगू बढ़ौलनि अछि। ओ सभ धर्म आ जातिक लोकक समान सम्मान करैत छथि आ लोकक समस्याक समाधानक लेल काज करैत छथि।
एहि अवसर पर जिला अध्यक्ष फुले भंडारी, पूर्व जिला अध्यक्ष अब्दुल कयूम साहब, वरिष्ठ नेता फूलदेव यादव, प्रभात रंजन, भरत चौधरी, महताब आलम, मोहम्मद अजहरूद्दीन, तौहीद आलम, हीरा शेख, मोतीउर रहमान, अहमद हुसैन सहित दर्जनों लोक उपस्थित छलथि।
